Турсунмурод Ҳамдамов: "Кубок баҳсида "Сўғдиёна"га омад кулиб боқди"
27 мар 2016 16:55
Янгиликлар

Турсунмурод Ҳамдамов: "Кубок баҳсида "Сўғдиёна"га омад кулиб боқди"

Ўзбекистон кубогининг 1/8 финал илк учрашувида "Машъал" "Сўғдиёна"ни қабул қилди ва 1:1 ҳисобида дуранг қайд этди.

Ушбу учрашувдан сўнг "Машъал" футболчиси Турсунмурод Ҳамдамов ўйин ҳақида фикрларини билдириб ўтди.

"Ҳар икки жамоа ҳам яхши ўйин кўрсатди. Кўплаб имкониятлар юзага келди лекин фойдалана олмадик. Биринчи бўлимда устунликни қўлга олдик лекин иккинчи бўлим охирида бирозгина хато дурангга олиб келди. Қониқарли натижа бўлмади. Сўнгги дақиқаларда жиззахликларга омад кулиб боқди. Энди бизни Жиззахда яна ҳам оғир ўйин кутиб турибди. Майдонга тушган ҳар бир футболчи охиригача курашди.

Ушбу мавсум ҳам мураббийимиз Хомяков менга ишонч билдирмоқда. Бу ишончни оқлашим керак. Шу боис бор имкониятимни кўрсатиш учун ҳаракат қиламан. Мавсумда асосий таркибдан ўз ўринимни топиш биринчи мақсадимдир", - дейди Турсунмурод Ҳамдамов.