Тозалик инспекторлари МЮ стадиони баҳосини 4дан 2га туширди. Нега?

Маълумотларга кўра, "Манчестер Юнайтед" стадиони каламушлар билан тўлиб кетган. Тозалик бўйича инспекторлар мухлисларга овқат сотадиган киоскларда, биринчи қаватдаги корпоратив апартаментларда кемирувчилар ахлати топилган.

Шу сабабли 5 балли тизимда клубнинг овқатланиш гигиенаси 4дан 2 баллга туширилган, МЮ қоидабузарликларни ижобий ҳал қилиши керак.

МЮ узоқ йиллардан бери зараркунандаларга қарши курашувчи хизматлар билан ишлайди. Бу мавзу ҳақидаги мақола 2015 йил инглиз нашрларида чоп этилган, ўшанда хатто офисларда ҳам каламушлар аниқланган.