Тимур Кападзе: “Юртдошларимизни янги йил билан табриклайман”
31 дек 2016 17:30
Янгиликлар

Тимур Кападзе: “Юртдошларимизни янги йил билан табриклайман”

Тошкентнинг “Локомотив” клуби сардори Тимур Кападзе юртдошларимизни кириб келаётган янги 2017 йил билан табриклади.

“Авваламбор барча юртдошларимизни янги кириб келаётган 2017 йил билан чин қалбимдан табриклайман. Эски йилда амалга ошмаган ишлари янги йилда амалга ошишини тилаб қоламан.

2016 йил “Локомотив” клуби учун жуда ҳам омадли келди. Янги 2017 йил бундан ҳам омадли келсин. Шу фурсатдан фойдаланиб янги йил Ўзбекистон миллий терма жамоаси учун ҳам омадли келишини тилайман. Олдимизда турган мундиал йўлланмасини қўлга киритишимизни тилаб қоламан. Бизнинг ғалабаларимиз бу мухлисларнинг ғалабаси. Юртимиз тинч осмонимиз мусаффо бўлсин. Барча юртдошларимизни яна бир бор кириб келаётган янги йил билан чин қалбимдан табриклайман”, - дейди “Локомотив” клуби сардори Тимур Кападзе.