Тезкор хабар: «Локомотив» ПФК Андрей Фёдоровни истеъфога чиқарди
20 авг 2020 19:43
Янгиликлар

Тезкор хабар: «Локомотив» ПФК Андрей Фёдоровни истеъфога чиқарди

«Локомотив» асосий таркиби Cоcа Cола Суперлигаси охирги 2 ўйинида кетма-кет мағлубиятга учрагани боис бугун клуб раҳбарияти футболчилар билан учрашув ўтказди.

Учрашувда жамоани шу пайтгача бошқариб келган Андрей Фёдоров клуб раҳбарияти томонидан истеъфога чиқарилгани маълум қилинди.

«Темирйўлчилар» учун ушбу мавсум бирмунча оғир кечаётгани сир эмас. Хусусан, жамоа Осиё Чемпионлар лигаси плей-офф босқичидан ўта олмаган бўлса, Суперлиганинг дастлабки 10 турида 4 бор ғалаба қозониб, 6 марта мағлубиятга учради. Натижада 10-турдан сўнг жамоа турнир жадвалида 8-ўринни эгаллаб турибди. Мазкур натижалар сабаб Андрей Фёдоров истеъфога чиқарилди. Унинг кейинги фаолиятига омад тилаймиз.

Маълумки, эртага, 21 август куни «Локомотив» Олмалиқ шаҳрида «Қўқон-1912» жамоасига қарши баҳс олиб боради. Мазкур ўйинда жамоани ким бошқаришини эртага маълум қилинади. «Локомотив» ПФК ўзаро ҳамкорлик учун Андрей Виталевичга миннатдорлик билдиради.

Ҳавола :

Манба : lokomotiv.uz

Янгиликларни Телеграмда ўқинг!

Рейтинг: +31