Таҳлилий портал Фернандешни ЖЧ-2022нинг энг яхши футболчиси деб топди. Роналду 500 таликка ҳам киролмади
20 дек 2022 10:58
Янгиликлар
Таҳлилий портал Фернандешни ЖЧ-2022нинг энг яхши футболчиси деб топди. Роналду 500 таликка ҳам киролмади
Учрашувлар статистик кўрсаткичларини тўплаб борадиган SofaScore портали ЖЧ-2022нинг барча ўйинчилари рейтингини тузиб, ортда қолган мусобақанинг энг яхши футболчисини танлаб олди. У Бруну Фернандеш бўлди. Сайт хабарига кўра, у финалда Аргентинани ғалаба сари етаклаган Лионель Месси ва ҳал қилувчи баҳсда хет-трик қайд этган Килиан Мбаппедан ҳам ўзиб кетди.
Фернандеш 8,38/10 рейтинг баҳога эга бўлган бўлса, Месси 8,27 ва Мбаппе 7,61 балл билан кейинги ўринларга жойлашди.
"Манчестер Юнайтед"нинг яна икки футболчиси кучли 12 таликка кирди: бразилиялик Каземиро (7,50) ва португалиялик Диогу Далот (7,47).
Криштиану Роналду эса 6,46 рейтинг баҳо билан турнирдаги барча футболчилар орасида камтарона 556-поғонани эгаллади.
Фернандеш турнирда 2 та гол урди ва 3 та голли узатмани амалга оширди. Португалия терма жамоаси чорак финалда Марокашга мағлуб бўлиб, Жаҳон чемпионатидан чиқиб кетди.
Ушбу баҳолашга қўшиласизми?
Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар