UZ

Сўнгги янгиликлар

02:21Шомуродовнинг "Шальке" ўтишига қаршилик қилиши мумкин бўлган рақобатчи кимлиги маълум (таҳлил)  3 01:57Канте қайтди   0 01:31"Валенсия" "Фиорентина" сардорига кўз тикди   0 01:09"Арсенал" бош директори ишдан кетди   0 00:40"Арсенал" Коутиньо учун курашга қўшилди   1 00:09АПЛ. Тур ўйинлари вақти эълон қилинди   1 23:51"Манчестер Юнайтед" Вернерни кузатишда давом этмоқда   2 23:28Ибрагимович Швецияга учиб кетди   0 22:55Расман: А Серия 20 июндан қайта тикланади!   2 22:29"Наполи" Бога учун 22 миллион евро таклиф қилмоқда   0 22:05Жалолиддин Машарипов Европага кетиш арафасида - эҳтимолий янги жамоаси номи аниқ  30 21:56Агент: "Шомуродов Россиянинг бошқа клубига ўтмоқчи эмас, унинг кейинги мақсади маълум"  10 21:50Шевченко: “Ўша 12 сонияни ҳеч қачон ёдимдам чиқармайман”  3 21:25“Ньюэллс Олд Бойз” вице-президенти: “Месси “Барселона”ни тарк этиб, бизнинг клубга келади”  2 21:10Дунёнинг энг бой клублари рейтинги янгиланди  8

Суперлигада ўйнаган никарагуалик футболчи: "Ўзбекистонга мени Ҳамиджон Актамов эмас Самвел Бабаян таклиф қилган" (интервью) Янгиликлар

Суперлигада ўйнаган никарагуалик футболчи: "Ўзбекистонга мени Ҳамиджон Актамов эмас Самвел Бабаян таклиф қилган" (интервью)

Бизнинг навбатдаги интервьюмиз “Қизилқум” ва “Локомотив” жамоалари собиқ футболчиси, никарагуалик Ариагнер Медина Смит билан бўлди.

Унинг жиддий саволларга, оддий жавоблари сизни ҳам бефарқ қолдирмайди деган умиддамиз.

- Медина ҳозирда қаердасиз ва карантин пайтида нималар билан бандсиз?

- Авваломбор мени унутмаганингиз учун раҳмат айтаман. Ҳа ҳозирда ҳамма жойда карантин ва падемия ўз ҳукмини ўтказмоқда. Шунга қарамасдан мен Латвиядаман. Бизда жудаям қўрқинчли эмас. Секин-асталик билан ҳаммаси ўз жойига қайтмоқда.

- Демак ҳозир Ўзбекистонга келишингиздан олдинги клубингиз “Спартак Юрмала”дасиз?

- Ҳа “Локомотив” жамоасидан кетганимдан сўнг, собиқ жамоам яна таклиф билан чиқди ва мен бу таклифни қабул қилдим. Билганингиздек ҳозирда ушбу жамоа билан янги мавсум учун тайёргарлик олиб бормоқдаман.

- Латвияда жамоаларга машғулот ўтказиш учун рухсат берилдими? Чемпионат қачон старт олади?

- Тўғри юқорида айтганимиздек бутун дунёда коронавирус падемияси авж олмоқда, лекин Латвияда футбол жамоаларга барча санитар қоидаларига амал қилган ҳолда машғулотлар ўтказишга рухсат берилди. Бунга бир ҳафта бўлди. Барча жамоалар алоҳида машғулотлар ўтказишмоқда. Чемпионатга келадиган бўлсак, ҳали аниқ бир кун белгиланмаган. Аммо шунга қарамай тез кунларда чемпионат старт олса керак деб ўйлайман.



- Келинг суҳбатимизни энди жиддий саволлар билан давом эттирсак. Сизнингча ўзбек футболи билан Латвия футболида нима фарқларни кўрдингиз?

- Биласизми мен бу иккала мамлакат футболида ҳеч қандай сезиларли фарқ курмадим. Латвияда мен асосан тезлигим ва техникам кучлилиги билан ажралиб турардим. Ўзбекистонда ҳам худди шундай бўлди дейишим мумкин. Шу сабабдан ҳам Латвиядан келишим билан бу ерга мослашишим қийин бўлмади. Фақатгина сизларда ҳар бир учрашувга профессионалик билан тайёргарлик кўрилади. Бошқа мен бу иккала чемпионатда фарқ кўрмадим.

- Бизнинг чемпионатимизда сизнинг наздингизда қандай тизимларда камчилик бордек...

- Айтиб ўтганимдек сизнинг чемпионатингизда кўпам камчилик кўрмадим. Фақатгина озгина ҳакамлик борасида менимча ҳали яна озгина ишлар олиб борилиши керак. Ҳакамлар негадир айрим учрашувларда масъулиятни ўз зиммаларига олишмайди. Ўйин тизгинини қўлдан чиқариб юборади. Хуллас мана шу менинг фикрим.

- Сиз суперлигада иккита жамоада “Қизилқум” ва “Локомотив” жамоаларида тўп тепдингиз. Бу жамоаларнинг қай бирида ўзингизни эркин ҳис қилдингиз? Мана шу иккала жамоанинг қайси бири сиз учун қадрли?

- Жуда қийин савол бўлди. Мен “Локомотив” жамоасини ҳурмат қиламан аммо “Қизилқум”дагилар жудаям кўнгли очиқ инсонлар эди. Мен “Қизилқум” жамоаси ва унинг мухлисларига жудаям катта раҳмат айтсам арзийди. Мен худди улар билан ўзимнинг ўйимда яшаётгандек ҳис этдим. Албатта “Локомотив” жамоасига ҳам раҳмат айтаман. Улар мени ажойиб кутиб олишди. Қисқа қилиб айтганда иккала жамоани ҳам ҳурмат қиламан.

- Сизни Ўзбекистонга ким таклиф қилган? Миш-мишларнинг ярми Самвел Бабаян деса, ярми Ҳамиджон Актамов демоқда...

- Юқорида айтилганидек мен бу ерга келишимдан олдин “Спартак Юрмала” жамоасида эдим. Кўпчилик биладими ёки йўқ, бу жамоада Самвел Бабаян мураббий бўлган. Ўшанда мени ҳаракатларим Самвел Бабаянга маъқул келган экан. Мени Ўзбекистонга таклиф қилди. Таклифлар ичида аввало “Қизилқум” жамоаси мени ўзига жалб этди. Шундан сўнг биринчи Навоийга келдим. Кейин эса Тошкентга...

- Сизнингча Ўзбекистонда энг профессионал ва кучли жамоа қайси?

- Шубҳасиз “Пахтакор”. Сабаби жамоада кучли мураббий ва салоҳиятли футболчилар тўпланган. Қолаверса жамоада ташкилий ишларда ҳам ўз ишининг профессионаллари ишласа керак. Буни “Пахтакор” қарши учрашувларда сезиш қийин бўлмаганди.



- Ўзбекистондан кетганингиздан кейин ҳам суперлигани кузатдингизми?

- Албатта мен барча жамоаларни, қолаверса ўзим тўп тепган жамоалар ўйинларини иложи борича кўзатиб боряпман. Ҳозирда тўхтаб қолган чемпионат, стартни яхши бошлаганди. Аммо мени ранжитгани “Қизилқум” жамоасининг кетма кет мағлубиятлари бўлди. Қувонарлиси жамоа янада кучайиш даврига ўтганлиги бўлди. Хуллас суперлигада, бу йил яна бошқа жамоани чемпион бўлишини кутаяпман. Буни эса вақт кўрсатади.

- Келинг энди Суперлигадан йироқлашган ҳолда саволларни тақдим қиламиз. Биринчи мураббийингиз ким бўлган?

- Мен футболнинг биринчи сабоқларини Хавьер Лондонадан ўрганганман. Тўп тепишни, дриблинг ва техника, ҳаммасини мана шу инсон менга ўргатган. Фурсатдан фойдалани биринчи мураббийимга ўз миннатдорчилигимни билдирмоқчиман.

- Жаҳон футболида қайси жамоанинг ўйинларини кузатиб борасиз?

- Мен Испаниянинг “Барселона” жамоасининг ўйинларини кўзатиб бораман. Каталонияликлар кўрсатадиган ўзгача ўйинлари фақатгина мени эмас кўпчилигнинг олқишларига сазовор бўлган.

- Агарда футболчи бўлмаганингизда қай соҳа вакили бўлишингиз мумкин эди?

- Менга агар мана шундай имконият бўлганида, шифокор бўлган бўлардим. Аслида ўзимни футболдан бошқа соҳада кўролмайман. Лекин мана шу, шифокорлик юналишида балки ўзимни синаб кўришим мумкин бўлармиди... Яна ҳам билмадим.

- Мавзудан ташқари савол. Ўзбекистоннинг сизга қандай ҳусусиятлари ёқди?

- Менда сизларнинг таомларингиз илиқ таассурот қолдирган. Улар орасида ошни алоҳида кўрсатишим мумкин. Қолаверса меҳмондўст халқ мени ҳайратлантира олган. Менимча бу даражада очиқ кўнгиллик бошқа давлатларда учрамаса керак.



- Навоий ва Тошкент шахарларидан қайси бири сизнинг кўнглингиздан жой олди?

- Иккала шаҳарнинг ҳам мен учун қадри баланд. Навоий кичкина ва тартибли шаҳар бўлса, Тошкент катта ва жудаям гўзал шаҳар экан. Албатта иккала шаҳар ҳам менинг қалбимда муҳрланиб қолади.

- Агарда ўзбек жамоаларидан яна таклифлар бўлса, хусусан “Қизилқум” жамоасидан сизга қизиқиш билдирса қайтган бўлармидингиз?

- Биласизми мен бу мамлакатда ҳеч қандай ёмонлик кўрмадим. Нега қайтмаслигим керак? Агарда менга таклиф билан чиқса ва икки томон ҳам келиша олсак албатта қайтаман. “Қизилқум” жамоасига келсак, юқорида айтганимдек бу жамоа менинг энг севимли жамоамга айланган. Агар менга алоқага чиқишса, мен албатта бу жамоага ёрдамга келаман.

- Смит бу сиз учун бугунги охирги саволимиз эди. Қизиқарли суҳбатингиз ва саволларга тортинмасдан жавоб бергангиз учун сизга раҳмат!

- Барчангизга ва барчаси учун ташаккур айтаман. Мен барча ўзбек халқига ва бутун дунё аҳолисига, ҳозирда ўз ҳукмини ўтказаётган коронавирусдан ҳеч ҳам қўрқмаслигини аксинча барча қонун-қоидаларга риоя қилиб ўйда утиришларини айтган бўлардим. Мухлисларга келадиган бўлсак, менинг қалбимдан алоҳида жой олган “Қизилқум” жамоаси жонкуярларига ўз миннатдорчилигимни билдирмоқчиман. Доимо жамоасига содиқ мухлис бўлган бу аҳил жамоага доимо таъзимдаман. Уларга сабр қилишларини ва қаттиқ сабри эвазига, юқори савиядаги ва томошабоп футбол учрашувлар уларни кутиб турганлигини таъкидлаб ўтаман. Қолаверса сизларга ҳам ўз миннатдорчилигимни билдирмоқчиман. Мени унутмагангиз учун раҳмат!


Шоҳруҳ Мейлихолов суҳбатлашди

Рейтинг: +7   

Фикрлар

+3   
17 май 14:47:09
Davronbek Beshariq
Бу Медина Смитдан узимизнинг футболчилардан бир бощ баланд устунликни курмадим.. бунака легионер футболчилардан бизнинг ёш футболчилар ундан урганадиган жихатлари йук. Миллий чемпионатимизда бунака легионер футболчилар тикилиб ётибди.. Бундай футболчилар уртакашларнинг чунтагига...
   
22 май 00:27:18
JALOLADDİN
vostochniyprins фойдаланувчининг фикрига жавоб бериш
Ha balki bu savolga sen javob berarsan
Гапинг кулгули укам бу гап хамма футболчиларга бериладиган савол 1 мураббийинг кимдиб. Мураббий курмаган одам хар сохада бир тийин. Санам таникли одам бўлсанг 1 синиф ўқтувчинг ким бўлган йоки бирон касибда яхши уста бўлсанг санга бериладиган савол шу 1 мураббий ким бўлган деган савол берилади САНГА укам. Тушинчанг бўлмаса бунака кулгули гапларни ёзма узингни кулгуга қолдриб
   
21 май 20:50:51
vostochniyprins
JALOLADDİN фойдаланувчининг фикрига жавоб бериш
Hamma futbolchiga 1 xil savol 1-murabbiyingiz kim bo'lgan)) Shu joyigacha o'qidim Уни ўрнига богчага борганмисиз богча опангиз ким бўлган деган саволни беришларини кутгамисан
Ha balki bu savolga sen javob berarsan
   
21 май 15:56:23
JALOLADDİN
vostochniyprins фойдаланувчининг фикрига жавоб бериш
Hamma futbolchiga 1 xil savol 1-murabbiyingiz kim bo'lgan)) Shu joyigacha o'qidim
Hamma futbolchiga 1 xil savol 1-murabbiyingiz kim bo'lgan))
Shu joyigacha o'qidim Уни ўрнига богчага борганмисиз богча опангиз ким бўлган деган саволни беришларини кутгамисан
   
17 май 19:20:36
Abdusalom Mirzayev
Легионер олиб келишдан мақсад нафақат кучли ўйинчи бўлиши, бошқа сабаблари ҳам бор.
   
17 май 19:05:51
vostochniyprins
Hamma futbolchiga 1 xil savol 1-murabbiyingiz kim bo'lgan))
Shu joyigacha o'qidim
   
17 май 19:05:49
vostochniyprins
Hamma futbolchiga 1 xil savol 1-murabbiyingiz kim bo'lgan))
Shu joyigacha o'qidim
   
17 май 14:44:13
Davronbek Beshariq
Бу Медина Смитдан узимизнинг футболчилардан бир бощ баланд устунликни курмадим.. бунака легионер футболчилардан бизнинг ёш футболчилар ундан урганадиган жихатлари йук. Миллий чемпионатимизда бунака легионер футболчилар тикилиб ётибди..
   
17 май 14:34:39
BakhtiyaroFF
Гап ёк Ариангер .Шу футболчини ойинларини Кизилкумда эканида кизикиш бн корардим,гол уришини кутардим.Лекин Локомотовга отдию умуман коринми колди ва гол зам уришдан тохтади..Эхх яхщи легионер эди,Кизилкумда колиши керак эди...
-1   
17 май 14:37:24
Fuzailllllll
Shu yosh o'yinchini(21) iqtidori bor edi loko dan keyin nasaf yoki navbahor olganida keyinchalik faqat arab jamoalariga sotib(chunki boshqalar ko'p bermaydi o'zbekistonlik ham emas) pul ishlab olar edi. Har holda terma jamoasini muhim o'yinchilaridan ekan darajasi past bo'lsa ham. Lokolegioner bo'lgan iqtidorni 2 marta qo'yib yubordi 1- Belessing edi adashmasam.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг