Сергей Лушан: "Ўйин дурангга мос тарзда кечди"

"Ўйин дурангга мос кечди. Бизга ҳозирча тажриба етишмаётгани панд бермоқда. Рақиб бизни ягона хатомизни ўзидаёқ жазолади. "Локомотив" жуда катта тажрибага эга жамоа. Уларнинг деярли барча футболчилари терма жамоа аъзолари саналишади. Биз ўйин аввалидан иккинчи рақам остида ҳаракат қилишни режалаштиргандик. "Локомотив" ҳужумкор футбол ўйнашда мамлакатимиздаги энг кучли жамоа десам ҳам муболаға бўлмайди. Шу боис рақибдан келиб чиқиб тактика танлагандик. Агарда голдан сўнг очиқ футбол ўйнаб, олдинга ўтганимизда улар янада кўпроқ гол киритишлари мумкин эди. Биз ўзимизнинг имкониятларимиздан унумли фойдалана олмадик. Сато бир вазиятда рақибни кечирди. Умуман "Локомотив" футболчилари яхши ўйнашди ва ғалаба қозонишди. Бу билан уларни табриклайман. Ҳа бугун мени хатоим туфайли мағлубиятга учради. Мен ўзимни идеал мураббий деб ҳисобламайман. Менинг ҳам камчиликларим ҳали етарлича. Жамоа ютқазганида ҳар доим мураббий айбдор бўлади. Виктор Карпенкони нега майдонга туширдим? Унинг катта тажрибасига таянган ҳолда Карпенкони майдонга туширгандим. Айнан унинг тажрибаси туфайли ушбу ўзгаришни амалга оширдим. "Локомотив" бугун бизга ўз ўйинимизни қилишга йўл қўймади", - дейди Сергей Лушан.