Сергей Ковшов: “Тайёргарлик кўнгилдагидек кечмоқда”

Кеча Сергей Ковшов футболчиларни клуб қароргоҳида тўплади. Фурсатдан фойдаланиб,  билан қисқача суҳбатлашдик.

- Иккинчи даврага тайёргарлик кўнгилдагидек давом этмоқда. Хабарингиз бор тайёргарликнинг биринчи қисмини Водилдаги қароргоҳимизда ўтказгандик. Бу йиғин давомида назорат учрашувлари ташкил этилди. Жумладан, биринчи лига вакилли “Қўқон – 1912” жамоасини 3:1 ҳисобида доғда қолдирдик. Кейин 22 июль куни футболчилар Тошкентда тиббий кўрикдан ўтишди ва у ерда “Бунёдкор” ўринбосарларига қарши ўртоқлик учрашувини ўтказдик. Мазкур баҳсда шогирдларимиз 4:2 ҳисобида рақибдан устун келишди. 23 июлдан футболчиларга қисқа таътил берилди. Бугундан (26 июль) тайёргарликнинг иккинчи босқичига киришдик.

- Кейинги режалар қандай?

- 28 июль куни “Андижон” билан меҳмонда ўртоқлик учрашувини ўтказамиз. 31 июль куни эса “Нефтчи-3” жамоасига қарши назорат ўйини бўлиб ўтади.

- Ўринбосарлар сафига янги ўйинчилар келиб қўйишлдими? Хусусан, йиғинларда иштирок этган футболчилар тақдири нима бўлди?

- Янги ўйинчилардан биргина Музаффар Музаффаровни айтиш мумкин. Бу футболчи илгари “Пахтакор”да ўйнарди. Давлатбек Ёрбековнинг трансфери борасида келишувга эриша олмадик. Оятилло Муҳиддинов борасида ҳам шундай дейиш мумкин.

- Ўринбосарлар олдига қандай вазифа қўйилган?

- “Нефтчи” ҳар доим ўз олдига юқори мақсадларни қўядиган жамоа. Шундай экан биз  совриндорлар қаторидан жой олишга ҳаракат қиламиз.

А. Деҳқонов суҳбатлашди
“Нефтчи” ПФК Матбуот хизмати