"Барселона" финалдаги супер ўйинда "Реал"ни камбэк эвазига мағлуб қилди!

Учрашув 01:00да старт олди.

"Барселона" - "Реал" 3:2

Голлар: Педри (28), Ферран Торрес (84), Жюль Кунде (116) - Килиан Мбаппе (70), Орельен Тчуамени (77). 

"Барселона": 25. Войцех Шенсни - 2. Пау Кубарси, 5. Иньиго Мартинес, 23. Жюль Кунде, 35. Жерар Мартин (4. Роналд Араухо, 85) - 8. Педри (24. Эрик Гарсия, 98), 11. Рафинья, 19. Ламин Ямал, 20. Дани Ольмо (24. Фермин Лопес, 65), 21. Френки Де Йонг (6. Гави, 85) - 7. Ферран Торрес (18. Пау Виктор, 115).

"Реал": 1. Тибо Куртуа - 17. Лукас Васкес (10. Лука Модрич, 55), 22. Антонио Рюдигер (16. Эндрик, 110), 23. Ферлан Менди (20. Фран Гарсия, 12), 35. Рауль Асенсио - 5. Жуд Беллингем, 8. Федерико Вальверде, 14. Орельен Тчуамени, 19. Дани Себальос (15. Арда Гюлер, 55) - 7. Винисиус Жуниор (21. Браҳим Диас, 89), 11. Родриго (9. Килиан Мбаппе, 46).

Огоҳлантириш: Тчуамени (31), Жерар Мартин (37), Френки де Йонг (68), Лука Модрич (90), Фермин Лопес (90+4), Рафинья (90+10), Жуд Беллингем (107).

Четлатиш: Антонио Рюдигер (120+3).

ЯНГИЛАШ

Учрашув якунланди! Ремонтада бу сафар "Барселона"га ишлади. Тарихдаги энг зўр класиколардан бири бўлди. Кимдир ухлавориб, ўйинни кўрмаган бўлса, алам қилиши аниқ. "Барселона" - Испания Кубогининг 31 карра соҳиби!

120+4. Анчелоттининг қоши кўтарилган. Камбэк бўлармикин)

120+2. Мбаппе ҳужумга ўтаётганда рақибини уриб юборгани учун фол берилди. Захирадаги Антонио Рюдигерга қизил карточка берилди.

Ўйинга 2 дақиқа қўшилди. Ҳали вақт бор.

118. УХХХХХХХХХХ!!!!! Мбаппе яна пенальти ишлаганди, офсайд "Барселона"ни яна қутқарди. Бош ҳакам пенальтига ишора қилиб бўлганди. Қойил!

116. ГОООООООООООООООЛЛЛЛЛ!!! КУНДЕЕЕЕЕЕЕЕЕ!!! Нималар бўлиб кетди!!! Модрич хато қилди, "Барса" бундан фойдаланиб кетди.

115. УХХХХХХХ! "Барселона" тез бўлмаса-да, қарши ҳужумга ўтиб кетди. Рафиньянинг пасини Феде қайтарди. Федедан бошқа ҳеч ким йўқ экан ўзи.

114. Арда Гюлеееррр!! У қанотини ёндириб ташламоқда. Унинг узатмасини ҳимоячилар қайтариб қолишди.

113. Беллингеееемммм!!! Гюлернинг жуда чиройли узатмасидан кейин Беллингем боши билан зарба йўллай олмади. Кунде Жудга ҳалақит қила олди.

112. УХХХХХХ!! Гави "Реал" жарима майдончаси ичига ёриб кирди ва ҳужумдаги Торресга тўпни оширди. Вальверде хавфни бартараф қилди.

110. Эндрик ўйинга қўшилмоқда. Қойил, Рюдигер ўйиндан олинди.

107. УХХХХХХ!! Фермин қулай имкониятдан зарба бера олмади. У майдонда тойиб йиқилди.

106. УХХХХХХХ!! Фермин гол урганди. Бироқ офсайд сабабли гол инобатга олинмади.

105. Иккинчи экстра бўлим бошланди.

Биринчи экстра бўлим якунига етди.

104. ЗАРБААААААА!! Ямалнинг пасидан кейин Ферран ўткирроқ бурчакдан дарвозага зарба берди. Бироооозз ноаниқ.

100. "Барса" позицион ҳужум уюштиришга ҳаракат қилди. Фермин "Реал" жарима майдончасига кирди, ҳимоячилардан ўта олмади.

97. УХХХХХХХ!! Ямалнинг тривела паси Вальверде томонидан қайтарилди.

95. "Реал" қарши ҳужумга ўтаётганди. Қанотдан узатилган тўпни Араухо қайтариб юборди.

Ҳозиргача бўлган воқеликларни ҳисобга олсак, "Реал" ўйиндан кейин бош ҳакамнинг пешонасидан ўпиши керак бўлади.

90. Биринчи қўшимча бўлим бошланди! Бўлди, бўлди. Энди пенальтилар сериясигача боришга қарши эмасмиз.

Танаффус :) Қўшимча бўлимлар учун тай`рланамиз.

90+10. Пенальти бекор қилинди. Рафиньяга сариқ карточка кўрсатилди. Айтдим, нега Асенсио вазиятда хотиржамликни сақлаб қолибди. Ҳаммасини ҳис қилган экан.

УХХХХХХХ!!! Кечаги воқеликлар бугун оммага бонг урилиб, фикрлар янграйдиган паллалар бошланмоқда.

Такрорий лавҳалар орқали кўринганда контакт йўқдек. Темпда эса пенальти кўринганди. Менимча пенальти бекор қилинади.

90+6. ПЕ-НАЛЬ-ТИ!!!!!!! Асенсио ўз жарима майдончаси ичида очиқчасига фол ишлатди!

90+4. Бош ҳакам Ферминни ҳам огоҳлантирди.

90+1. Лука Модрич огоҳлантирилди.

Ўйинга 6 дақиқа қўшилди.

89. Винисиус жароҳат олиб, майдонни тарк этди. Ўрнини Браҳим Диас эгаллади.

84. ГОООООООООООЛЛЛЛЛ!!! ФЕРРРААААННННН!!! ДАҲШААААААТТТТТ!!!

83. Форт ва Гави майдонга тушишга тайёрланмоқда.

82. ЗАРБАААААААААА!! КУРТУАААААААА!! Ямалнинг суперзарбасини қайтарди! Узун қўллари унга қўл келди)

77. ГОООООООООООЛЛЛЛ!!! "Реал" иккинчи бўлимдаги ўйинидан келиб чиқиб, иккинчи голни ҳақли урди. Бурчакдан узатилган тўпни Тчуамени дарвозага киритди. Гюлердан супер узатма!

74. УХХХХХХХХХХ!!! "Реал" ҳисобда олдинга чиқиб олишга яқин келганди. Винисиуснинг пасидан кейин Мбаппега ноқулайроқ пас узатди. Тўп Килиангача етиб бормади ва Кубарси тўпни майдондан ташқарига чиқариб юборди.

70. ГОООООООООООЛЛЛЛ!!! Мбаппе ўзи ишлаган жаримадан ўзи идеал гол урди! Суперголга супер жавоб берилмоқда. Мбаппе жаримадан илк голини урди.

68. УХХХХХХ!! Мбаппе гол уришга яқин келганди. Френки уни тўхтатди ва сариқ карточка олди. Буни сўнгги умид фоли сифатида қабул қилиш қийинроқ. Сариқ карточка энг адолатли қарор ва жарима зарбаси. Гол уриш учун идеал нуқта. Бироқ Килиан ҳали жаримадан гол урмаган экан.

65. "Барселона"да бугун ўртача ўйин кўрсатган Ольмо алмаштирилди. Унинг ўрнида Фермин ўйнайди. 

64. "Реал" ҳужумга ўтганди. Ўнг қанотдан узатилган тўпга Винисиус боши билан зарба берди. Тўп ҳимоячининг қўлига текканди. Лекин бу ерда ҳам офсайд қайд қилинди.

62. УХХХХ!! Кундеееее!!! У жамоасини голдан сақлаб қолди. Агарда тўп ундан ўтганида ҳисоб тенглашиши муқаррар эди.

61. Винисиус ҳужумда йиқилди ёки йиқитилди. Бош ҳакам бу вазиятга реакция қилмади.

59. Винисиуснинг ерлатиб йўллаган зарбасини Шенсни ушлаб олди. Кейин унинг хатоси сабабли тўп яна "Реал" футболчиларига келиб тушди ва яна ўша Винисиус дарвоза томон жуда хавфли зарба берди. Ноаниқ.

56. НИМАЛАР БЎЛЯПТИ! Винисиус юз фоизлик имкониятдан гол ура олмади. Ҳимоячилар ва дарвозабон бир амаллаб хавфни бартараф қилишди.

56. ЗАРБААААААА!! "Барселона" ҳужумда учга икки вазиятда қолиб кетди. Рафиньянинг зарбаси ноаниқ кетди.

55. "Реал"да икки ўзгариш бўлмоқда: Модрич ва Гюлер майдонга тушди. Себальос ва Васкес ўйиндан олинди. 

54. УХХХХХ! Мбаппенинг бир ўзи вазиятни ҳал қилиши мумкин бўлганди. Яна Шенсни вазиятда тўпни қайтарди.

49. ШЕНСНИИИИИИИИ!! У Винисиуснинг икки зарбасини қайтарди!

48. Рафиньянинг зарбасини Куртуа осонлик билан ушлаб олди.

47. Иккинчи бўлим ҳам биринчиси каби "Барселона" ҳужуми билан бошланди. Ямалнинг зарбаси соддагина чиқиб қолди, Куртуа учун бу "гўшт" вазифасини бажарди.

46. ИККИНЧИ БЎЛИМ БОШЛАНДИ!

- Жамоалар майдонга тушиб келишди. Мбаппе 46-дақиқадаёқ ўйинга қўшилди.

Танаффус!

45+3. Рауль Асенсио рақибини очиқчасига йиқитди. "Барса"да яна стандарт.

Биринчи бўлимдаги ҳакамликка 10 баллик тизимда 10 баҳо қўйган бўлардим.

45+2. УХХХХХХ!! Винисиус пенальти ишлаганди. Бош ҳакам аввалига пенальти белгилади. Кейин эса оффсайдни қайд этди.

Биринчи бўлимга 5 дақиқа қўшилди.

Рус шарҳловчилари ушбу вазиятда пенальти кўриб чиқиш керак эди дейишяпти. Ўйин олдидан ҳакамлик борасида қанча гап-сўзлар бўлганини улар билишмайди чоғи.

44. УХХХХХХХХ!!!! "Барселона" иккинчисига жуда яқин келди. Бурчакдан узатилган тўпни Рюдигер ўз дарвозасига киритиб юборишига сал қолди. Тўпни дарвоза устуни қайтарди.

43. Рафинья ҳар қанча уринмасин Алиев бўлолмайди. Ҳатто унинг зарбаси жонли девордан ўтмади.

42. "Барселона" жарима зарбасига эга бўлмоқда. Асилбек Алиев гол урган нуқта)

41. "Барселона" ҳужумда. Ольмонинг пасини ҳимоячилар қайтариб юборишди.

38. Ферран Торрес ҳужумга ўтиб кетишга, Куртуа билан бирга бир ҳолатга чиқиб боришга ҳаракат қилаётганди. Рюдигер етиб келди, вазиятга аралашиб, тўпни олиб қўйди.

37. "Барселона" футболчиси Жерар Мартин Тчуаменига қарши ишлатган қўполлиги учун ҳақли равишда сариқ карточка кўрсатилди.

35. ГОООООЛЛЛЛ!! ЙЎЎЎҚҚҚ!! Беллингемнинг голи инобатга олинмади. Себальос пас оширган вазиятда Жуд оффсайд ҳолатида қолиб кетган эди.

34. Ўйин темпида бироз пасайиш бор. 

31. "Барселона" яна ҳужумга ўтди. Зарбани Куртуа ушлаб олди. Тчуамени эса Ольмога қарши қўполлиги учун огоҳлантирилди.

28. ЗАРБААААА!!! ГОООООООЛЛЛЛ!! ФАНТАСТИККАААААААА!!! ЛаЛигада апрель ойининг энг яхши футболчиси бўлган Педри фантастик гол урди!

25.Қаранглар, майдондаги 22 футболчи қолиб, Карло Анчелоттига сариқ карточка берилди. Почин очилди.

23. "Реал" хавфли ҳужум ташкиллаштирди. Винисиуснинг пасидан кейин Гарсиянинг йўллаган зарбасини ҳимоячи қайтарди

21. ЗАРБААААААА!! Рафиньянинг жаримадан узатган тўпига Кунде боши билан жуда хавфли зарба йўллади. Куртуадан илк сей.

19. ЗАРБААААААА!! Ямал узоқ масофадан ерлатиб айёрона зарба йўллади. Бу вазиятда Куртуа "Реал"ни голдан қутқара олмасди. Шунчаки зарба ноаниқ кетди.

16. УХХХХХХХХ!!! "Барселона" тезкор қарши ҳужумга ўтди. Қанотдан узатилган тўпга Торрес зарба бера олмади. Ундан ташқари тўп "Реал" футболчисининг қўлига теккандек кўринди. Бироқ бу таянч қўли бўлганлиги сабабли пенальти кўриб чиқилмади.

13. Ямал рақиблари жарима майдончаси ичига ёриб кирди, Рюдигер уни тўхтатди, Гарсия эса тўпни майдондан ташқарига чиқариб юборди.

12. ЎЗГАРИШ! Тезкор гол кутган мухлислар тезкор ўзгаришнинг гувоҳи бўлишди.

10. Фран Гарсия майдонга тушишга тайёрланяпти. Ўзгариш бўладиганга ўхшайди.

9. Ие! Менди майдонга ўтириб олди. Наҳотки, илк дақиқаларданоқ ўзгариш бўлса?

7. "Барселона" ҳужумга ўтаётганда "Реал" ҳимоясида бироз саросима кўринаётгандек. Жамоалар кичик пасларда кўп хатолар қилишмоқда.

6. Ниҳоят, "Реал" ҳужумга ўтаётганди. Винисиус одатдагидек оффсайдда қолиб кетди. Ҳужум тўхтади.

3. "Барса" яна ҳужумда. Ферран "Реал" жарима майдончаси ичига ёриб кирди ва ҳимоячилар ўртасидан тўпни шеригига узатмоқчи бўлди. Аммо Камавинга хавфни бартараф қилди. 

2. "Барселона" тезкор ҳужумга ўтди. Рафиньянинг паси бироз кучсизлик қилди, "Реал" ҳимоячилари тўпни эгаллаб олди.

1. УЧРАШУВ БОШЛАНДИ!

00:56. Жамоалар майдонга чиқиб келишди.

Ямал бугунги кун учун бошқача соч турмагида келган.

19:50. Ўйин ҳақиқий шоу тарзида бошланмоқда. Таркибларни таништиришни тарифлашга тил ожиз.

- Ҳурматли футбол ишқибозлари! Эл-Класико стартига оз вақт қолмоқда.