Рустам Мирсодиқов: "Ёшлар ишончимизни оқлашди"

"Мураккаб ўйинда ғалаба қозондик. Олдимизда жуда қийин учрашувлар турибди. Охирги вақтларда чиройли ўйин кўрсатаётган "Суғдиёна"га борсак, сўнг "Локомотив"ни ўз майдонимизда қабул қиламиз. Бугун ғалаба қозонишимиз шарт эди ва биз буни уддаладик. Таркибимизда жуда жиддий йўқотишлар бор. Тўрт нафар ўйинчимиз майдонга туша олмади. Одил Исабоев, Ковалёвда жароҳат бор. Шу боис бугун ёшларга ишондик ва улар ишончимизни оқлади. Бугун таркибимизда кескин бурилиш қилдик" - дея ўйин ҳақида дастлабки фикрларини билдириб ўтади Рустам Мирсодиқов.

- Бугун жамоа "Насаф" дан кучлироқ ўйин кўрсатди дея оласизми?
- Ундай демаган бўлар эдим. "Насаф" га қарши учрашув жуда қийин бўлишини ҳаммамиз сезиб турган эдик. Бизда битта устун томони "Насаф"нинг  руҳий ҳолати менимча яхши эмас эди. Бугунга сабаб кетма-кет қийин учрашувлар ўтказди. Кубок финали, "Локомотив"га қарши учрашувдаги мағлубиятлар уларга салбий таъсир кўрсатган бўлиши мумкин.


Исмоилжон Мамарасулов ёзиб олди.