Рўзиқул Бердиев: “Бугун асабий ўйинда ғалаба қозондик”

- Аввало ўзим номимдан қолаверса клубимиз номидан “Шўртан” клубининг раҳбариятига ва стадион ходимларига катта раҳматлар айтаман. Улар биз учун бугунги ўйинни кўнгилдагидек ўтказишимиз учун барча шароитларни муҳайё қилиб беришди. Энди бевосита бугунги ўйин ҳақида тўхталадиган бўлсам, ўйин биз учун асабийроқ кечди. Бунга сабаб, рақимизнинг яхши ҳимояланиши бўлди. Иккинчи бўлимда гол киритганимиздан сўнг, йигитларимизда ўзларига бўлган ишонч янада ортди ва ғалабага бўлган катта иштиёқ эвазига яна иккита гол киритиб, муҳим ғалабани қўлни киритдик. Биз бугун уч очкони қўлга киритишимиз керак эди, чунки ўтган  ўйинда очко йўқотган эдик. Шунинг учун бугунги ўйинга футболчиларимизни фақат ғалаба қозониш учун тайёрлаган эдик. Улар биз мураббийларни ишончини ортиғи билан қозонишди. Йигитларимизга бунинг учун ўз ташаккуримни билдириб қоламан.
 
Олдинда терма жамоамиз ўйини боис танаффус вужудга келаяпти. Бу танаффусдан унумли фойдаланиш учун иккита назорат учрашуви ўтказишни режалаштирганмиз. Демак, 11 ноябр куни  Тошкентда “Обод” ва “Пахтакор” жамоалари билан учрашувлар ўтказамиз. Иккала учрашув ҳам бир кунда бўлиб ўтади, яъни эрталаб ва кечга.
 
Бугунги учрашувда Бобир Абдухолиқов ва Шароф Муҳиддиновларни майдонга туширмаганимизга сабаблар, улар бўлиб ўтган Осиё чемпионатида катта куч сарф қилишди. Улар шунингдек машғулотларимизга қўшилганига икки кун бўлганди ва кеча ёшларимиз таркибида ҳам улар тўп тепишди. Буларни ҳисобга олиб, уларга дам беришга қарор қилдик. Улар кўпроқ дам олишлари керак. Аммо кейинги ўйинларимизда бу ўйинчиларимиз албатта бизга ёрдам беришади.
 
Дилшод Хушбаков? Тўғриси унинг кўрсатаётган ўйинлари ва кўп гол ураётгани биз мураббийларни хурсанд қилаяпти. Биз унинг иштирокидаги ўйинларни мунтазам кузатиб бораяпмиз. Унга алабатта асосий таркибимизда тўп тепишга ҳали имкон берамиз.