"Ростов" ЕЧЛда, "Зенит" эса Европа лигасида ўйнайди

"Ростов"нинг "Урал" устидан қозонган ғалабасидан сўнг "Зенит" Европа чемпионлар лигасига йўлланма берувчи иккинчи ўринни қўлга кирита олмаслиги ойдинлашди.

Келаси мавсумда эндиликда Россиядан ЦСКА ҳамда "Ростов" жамоалари ЕЧЛда иштирок этиш ҳуқуқини қўлга киритишди. "Зенит" эса Европа лигасида ўз омадини синаб кўради. Шунингдек, "Спартак" жамоаси ҳам ушбу турда йирик ҳисобда зафар қучди ва улар Европа лигасида йўлланма берувчи бешинчи поғонани расмийлаштиришди.

"Зенит", "Краснодар" ҳамда "Спартак" жамоалари Европа лигасига йўлланма олишди.

"Ростов"нинг эронлик ҳужумчиси Сардор Азмуннинг "Урал" дарвозасига киритган ягона голи якунда уларга ЕЧЛ йўлланмасини тақдим этди.

Ҳамюртимиз Виталий Денисов ўйнайдиган "Локомотив" эса кейинги мавсумда еврокубокларда иштирок эта олмайди.