UZ

Сўнгги янгиликлар

11:18Роналду Луис Диасни "Ал Насср"да кўришни истамоқда — клуб 100 миллион евро беришга тайёр  0 10:46"Like Сup" қайтди. 3 та тўқнашувда 29 та гол урилган учрашувлардан галерея  2 10:19ОКМК назорат учрашувида Қирғизистон клубини йирик ҳисобда енгди  0 09:52Валижон Раҳимов: "Нима учун ўзимни кўрсата олмаганимни ҳалигача тушуниб етмадим"  2 09:15"Реал" ўзининг энг қиммат футболчиларидан бири билан хайрлашишга тайёр  6 08:51"Нефтчи"даги саҳифам ёпилди, кетиш икки томон учун ҳам фойдали бўларди" — Тома Табатадзе билан интервью  3 08:20МЛС. "Интер Майами" мағлубиятга учради, Мессининг голли серияси якунланди  3 08:00Неймарнинг голи "Сантос"га ғалаба келтирди, "Фламенго"нинг ғалабали серияси тўхтади  0 07:30"Нефтчи" мураббийи клубни тарк этди   2 01:00Сречко Катанец 62 ёшда! У ҳақида 20 та қизиқарли факт  14 00:53"Истанбул Башакшеҳир" назорат учрашувида "Рейхенау" клубини мағлубиятга учратди. Шомуродов норасмий дебют қилди  10 00:19МЮ ёзда биронта ҳам ўйинчи сотмай, трансферлардан 24 млн евро ишлаб олди  2 23:45Беллингем елкасини операция қилдирди."Реал" ярим ҳимоячиси қанча муддатга сафдан чиққани маълум  3 23:23Расман: "Атлетико" 30 млн евролик трансферни амалга оширди  0 22:59Де Паул ҳам Мессининг ёнига боради. "Атлетико" ва "Интер Майами" келишиб олишди  2

Роналдунинг жароҳатидан кейин "Юве"да порлаб чиқаётган "гол-машина" туфайли юзага келган можаро Янгиликлар

Роналдунинг жароҳатидан кейин "Юве"да порлаб чиқаётган "гол-машина" туфайли юзага келган можаро

Ҳа, тўғри англадингиз, гап Италия терма жамоасидан чақирув олишга улгурган Мойзе Кин ҳақида.

Италиялик 19 ёшли Кин кеча "Кальяри" дарвозасини ҳам ишғол этди. Натижада Мойзе Кин майдонга тушган охирги 6 учрашувда 6та гол ("Юве"да 4 гол, Италия терма жамоасида 2 гол) уришга эришди.

Криштиану Роналдунинг жароҳатидан сўнг ўйин амалиётига эга бўлаётган Мойзе Кин жуда яхши самарадорлик кўрсатмоқда. Ҳужумчи кечаги голидан кейин "Ювентус"нинг жорий мавсумда чемпионатдаги энг яхши учинчи тўпурарига айланди. Кин қисқа вақт ичида гол уриш бўйича Эмре Жан ва Пауло Дибалани қувиб ўтди.

Аммо кечаги ўйиндан кейин Мойзе Киннинг голларидан кўра унинг голни қандай нишонлагани ва Сардинияда унга нисбатан ирқчилик муносабатида бўлишгани матбуотнинг диққат марказида.

Бутун учрашув давомида Сардиниядаги трибуналар Кинга нисбатан хуштакбозлик қилишди. Натижада Мойзе рақиб дарвозасини ишғол этгач голни нишонламади ва "Кальяри" мухлислари сектори қаршисига қараб туриб олди. Табиийки "Кальяри" Ультраси (ашаддий ишқибозлари) буни провакацияон ҳаракат деб қабул қилишди. Бу орада Кинни олдига Бентанкур ва бошқа жамоадошлари келиб, Мойзени мазкур сектор олдидан олиб кетишга уринишди. 

Ўйиннинг қолган дақиқалари давомида бутун трибуна Мойзе Кин, Алекс Сандро ва Матюидига нисбатан ирқчилик кайфиятида кучли хуштакбозлик қилишди.

Матюидига нисбатан ўтган мавсумда ҳам айнан Сардинияда ирқчилик муносабатида бўлишганди. Франция терма жамоаси аъзоси Блез Матюиди эса ўшанда ўйин ҳаками Пьеро Джакомеллидан учрашувни тўхтатишни (янги қоидалар бўйича мумкин) талаб қилганди. Бироқ ўйин тўхтатилмаган ва стадион суҳандони мазкур вазият туфайли учрашув тўхтатилиши мумкинлигини огоҳлантириш билан чекланганди. "Кальяри" футболчилари Алессио Краньо ҳамда Лука Чеппителли ўз мухлисларини тинчлантиришга ҳаракат қилишган, лекин бу фойда бермаганди.

Леонардо Бонуччи  эса бу вазиятда футболчидан ҳам хатолик ўтганини таъкидлади. Бонуччининг фикрича, футболчи голни жамоадошлари билан нишонлаши лозим. Унинг ҳаёли трибуна томонга оғимаслиги керак. Футболчилар яхши тарафлама ўрнак бўлишлари лозим. Бонуччи бу вазиятда ҳар иккала тараф ҳам айбдор деб ҳисоблайди. Леонардо Мойзени адашганини таъкидлаб,  мухлисларнинг ҳам ўзини тутишини оқлаб бўлмаслигини айтди.


Аллегри ҳам Кинни танқид қилди ва жамоавий тартиб бўйича жазога тортилишини таъкидлади.

"Футболчилар провакацияга учмаслиги ва провакация қилмаслиги лозим. Мухлислар эса ўзларини маданият билан тутишлари керак. Лекин унутмаслик керакки, стадионга ҳам ҳаётда бўлгани каби яхши ва аҳмоқ одамлар учраб туради. Бундай аҳмоқ мухлисларни стадиондан бутунлай ҳайдаб юбориш керак. Муаммо шундаки, бу билан ҳеч ким шуғулланишни истамайди", - дейди Аллегри.

"Кальяри" президенти Томмазо Джулини эса ўзиникиларни ҳимоя қилиб чиқиш қилди: "Масалан Бернардески гол уриб шундай нишонлаганида ҳам мухлисларнинг реакцияси шу каби бўларди", - дея бу ерда ирқчилик бўлмаганига ишора қилди.

Эндиликда "Кальяри" жамоаси уй ўйинларини ярми ёпиқ трибуналарда ўтказиш хавфи мавжуд.

Эслатиб ўтамиз, Италия чемпионатининг 30-тури доирасидаги "Кальяри" - "Ювентус" учрашувида меҳмонлар (0:2) ғалаба қозонишди.

Рейтинг: +17   

Фикрлар

championat.asia
< сўнгги янгиликларни кўриш
Яндекс.Метрика