Раванелли Украина клуби бош мураббийлигидан кетди
23 сен 2018 09:14
Янгиликлар

Раванелли Украина клуби бош мураббийлигидан кетди

“Арсенал-Киев” жамоаси бош мураббийи Фабрицио Раванелли истеъфога чиқди.

Италиялик мутахассис бундай қарорга “Арсенал-Киев”нинг “Олимпик”ка қарши учрашувдаги мағлубиятидан сўнг келган. Раванелли ўйиндан кейин ўтказилган матбуот анжуманида ўз қарорини эълон қилди.

Маълумот учун, 49 ёшли мураббий шу йил ёзда “Арсенал-Киев” бош мураббийи этиб тайинланганди. У бу постда Сергей Литовченконинг ўрнини эгаллаганди. Раванелли бошчилигидаги пойтахт клуби битта учрашувда ғалаба қозонди, бир бор дуранг ўйнади ва еттита ўйинда мағлубиятга учради.