Рамос мундиалда ўйнаш истагини билдирди

ПСЖ ҳимоячиси Серхио Рамос Испания терма жамоаси таркибида ЖЧ-2022да иштирок этиш истаги борлигини маълум қилди. Шу билан бирга, 36 ёшли марказий ҳимоячи 2021 йилнинг март ойидан бери терма жамоада ўйнамади.

"Бу рангларни ҳимоя қилиш қанчалик муҳимлигини ҳамма билади. Мен ўзимни яна яхши ҳис қиляпман ва тайёр бўламан, лекин бу албатта менга эмас, балки мен жуда ҳурмат қиладиган Луис Энрикега боғлиқ. Орзум – терма жамоага қайтиш ва Жаҳон чемпионатида ўйнаш. Умид қиламанки, Қатарга бораман", – деди футболчи.

Аввалроқ Рамос Испания терма жамоасининг ЖЧ-2022 учун кенгайтирилган таркибига киритилгани ҳақида хабар берилганди.