Jamoa bir qator korxonalar va tashkilotlar bilan marketing borasida kelishuvga erishdi. Jamoa bu mavsum o'z texnik hamkoriga ega bo'ldi. Toshkent viloyatida joylashgan “BAZIS” kompaniyasi jamoamizning texnik hamkoriga aylandi. Yangi uy-joylarni qurishga ixtisoslashgan bu kompaniyaning logotipi jamoamizning liboslaridan o'rin oldi.
Shuningdek “FUTURE GROWTH” , “7 MEDIA”, “DRIVERS VILLAGE”, “ASIA LUXE”, “UZMILL LTD”, “ISHONCH” do'konlar tarmog'i hamda “YAPROQ” brendi jamoamizning bu mavsumdagi tijorat hamkorlari hisoblanishadi. Barcha futbol muxlislarining sevimli sayti bo'lgan “CHAMPIONAT.ASIA” portali jamoamizning yangi mavsumdagi axborot hamkoriga aylandi. Yuqorida nomlari keltirilgan kompaniyalarning reklamalari stadionimizda joylashgan barcha reklama tablolaridan hamda matubot anjumanlari , flesh-intervyular uchun tayyorlangan reklama bannerlaridan va uchrashuvlarga chiqarilgan chiptalardan o'rin oladi. Shu bilan birgalikda “Qo'qon-1912” jamoasi hali titul xomiysiga ega bo'lmaganligini ham ma'lum qilamiz. Titul xomiyning logotiplari jamoamiz liboslarining oldi qismidan joy oladi.
Bizning eshiklarimiz barcha tadbirkorlar uchun ochiq. O'z mahsulotlarini jamoamiz bilan hamkorlikda reklama qilishni hohlovchi tadbirkorlarni jamoamizning marketing bo'limiga murojaat qilishga chorlab qolamiz.
Bizning aloqa telefonlarimiz +99891 691 37 82, + 99890 351 02 20
"Qo'qon-1912" matbuot xizmati
