SPORT TV rahbariyati Indoneziyada olib borgan muzokara natijasida Osiyo o'yinlari translyatsiya huquqi qo'lga kiritildi.
Natijada, Osiyo o'yinlari SPORT TVda to'liq translyaqiya qilinadi. Xususan, bir ozdan so'ng boshlanadigan Qatar – O'zbekiston o'rtasidagi bahs SPORT TVda to'g'ridan-to'g'ri namoyish etiladi.
Eslatib o'tamiz, bunga qadar translyatsiya bilan bog'liq kelishuvga erishilmagani tufayli birinchi turda O'zbekiston – Bangladesh (3:0) o'yini ko'rsatilmagan edi. Qatar – O'zbekiston o'yini Toshkent vaqti bilan 17.00da boshlanadi va uchrashuvni taniqli sharhlovchi Eldor Mustafoev sharhlab boradi.
