"Пахтакор" Собирхўжаев ва Файзуллаев билан шартномани узайтирди

"Пахтакор" 2 нафар ярим ҳимоячиси билан ҳамкорликни давом эттирадиган бўлди. Булар – Аббос Файзуллаев ҳамда Сардор Собирхўжаев.

Аббос Файзуллаев билан шартнома 2025 йил охиригача узайтирилди. "Пахтакор" академияси тарбияланувчиси яна уч йил мобайнида жамоа шарафини ҳимоя қилишда давом этади. Ҳужумкор ярим ҳимоячи ҳозиргача "шерлар" таркибида 35 учрашувда 8 тўп муаллифига айланиб улгурди. 

Сардор Собирхўжаев билан тузилган янги келишув эса 2024 йилгача мўлжалланган. "Пахтакор" футбол мактаби тарбияланувчиси бўлган хавбек жамоа таркибида 2019 йилдан буён ўйнаб келмоқда. Барча мусобақаларда ҳозирга қадар 141 беллашувда 11 гол муаллифига айланди. Тўрт йил давомида "шерлар" билан тўққизта соврин ютишга муваффақ бўлди.