"Пахтакор": Навбатдаги рақиб "Терек"

Россия премьер-лигаси иштирокчиси саналган Грозний шаҳри клуби 1958 йил ташкил этилган. 2004 йил Россия Кубогини қўлга киритган жамоа айни пайтда юқори лигада Рашид Раҳимов қўл остида иштирок этмоқда. Жорий мавсумда грознийликлар премьер-лигада қолиш учун кураш олиб боришяпти. Расмий беллашувда жамоалар 4 бор тўқнаш келишган. 1976 ва 1977 йилларда Собиқ Иттифоқ биринчи лигасида бўлиб ўтган 4 баҳснинг 3тасида "Пахтакор" зафар қучган, бир беллашувда дуранг қайд этилган. 2010 йилги назорат ўйини эса 2:2 ҳисобида якунланган.

"Пахтакор" Анталияда машғулотлар ўтказишни давом этмоқда. Футболчилар ҳар куни тайёргарликни яхшилаш устида мураббийлар штаби билан иш олиб боришмоқда. Кичик жароҳат олган Боян Миладинович "Ягеллония" билан ўйинни ўтказиб юборишга мажбур бўлди. Қолган футболчиларнинг ҳолати яхши. "Терек" билан ўйин сешанба куни Тошкент вақти билан соат 20:00да бошланади.