Saytimizning barcha xodimlari va muxlislari nomidan hamyurtimizni tug'ilgan kuni bilan muborakbod etamiz. Unga sog'liq, baxt va omad tilaymiz!
Otabek Shukurov haqida qisqacha>>> VIDEO
Tug'ilgan sana: 22.06.1996
Ampula: Yarim himoyachi
Bo'yi: 1.82 m
Klub: "Sharja" (BAA) 2018 yil 1 yanvardan beri
Transfer bahosi: 1.25 mln. evro (25 aprel 2019 yil holatiga ko'ra)
Professional futbolchi sifatida 2014 yili "Mashal" safida debyut qilgan va o'sha mavsum Oliy liganing 3 ta o'yinida maydonga tushdi. Shukurov 2015 yilda "Bunyodkor" klubiga yo'l oladi va u yerdagi o'yinlari orqali O'zbekiston milliy terma jamoasiga chaqiruv oladi.
Bosh jamoamizdagi debyut uchrashuvi 2016 yil 7 iyun kuni Kanadaga qarshi o'rtoqlik o'yiniga to'g'ri kelgandi.
Otabek 2013 yili Eronda bo'lib o'tgan U-16 Osiyo chempionatida O'zbekiston o'smirlar terma jamoasi bilan chempion bo'lgan.
Joriy mavsum Otabek "Sharja" safida 17 o'yinda maydonga tushib 2 ta gol urdi va 2 marotaba ogohlantirildi. Shukurov shu yilning 25 mart kuni Xitoyga qarshi uchrashuvda jarohat olgandi.
