Ўсмирлар футболчилар ўртасидаги Республика мусобақаси старт олди
18 апр 2016 11:22
Янгиликлар

Ўсмирлар футболчилар ўртасидаги Республика мусобақаси старт олди

Теглар : Ўсмирлар

Бугун, 18 апрель санасида 2002 йилда туғилган ўсмир футболчилардан тузилган вилоятлар, Қорақалпоғистон республикаси ва Тошкент шаҳри терма жамоалари ўртасида Республика мусобақаси старт олади.

Анъанавий тарзда ҳар йили ўтказиб келиданиган ушбу мусобақада бу йил 12 терма жамоа иштирок этмоқда. Фақатгина Қашқадарё ҳамда Самарқанд вилояти терма жамоалари турнирга ташриф буюрмаган.

Ушбу Республика мусобақаси учрашувлари Ўзбекистон Футбол Федерацияси қошидаги сунъий қопламали майдон ҳамда Тошкент шаҳри, Чилонзор туманидаги “Пахтакор” футбол мактаби майдонида бўлиб ўтади. Турнир 23 апрелгача давом этади.

Таъкидлаш керакки, вилоятлар, Қорақалпоғистон республикаси ва Тошкент шаҳри терма жамоалари ўртасида Республика мусобақалари ҳар йили 6 ёш категориялари ўртасида ўтказиб келинади. 2002 йилда туғилган ўсмирлар ўртасидаги турнир 2016 йил ҳисобидан дастлабки мусобақадир. Бошқа ёшдаги футболчилар ўртасидаги Республика мусобақалари йил мобайнида ўтказиб борилади.

Айтиш жоизки, 2002 йилда туғилган ўсмирлар ўртасидаги мусобақа Ўзбекистон ўсмирлар терма жамоасига номзодларни саралаб олиш эътибори билан ҳам жуда муҳим ҳисоблалади.

Ҳавола :

Манба : the-uff.com

Янгиликларни Телеграмда ўқинг!

Рейтинг: +2