Осиёнинг ЖЧдаги “Орзулар жамоаси”

ОФК расмий сайтида фаолият олиб бораётган ҳамкасбларимиз ҳам жаҳон чемпионатида иштирок этадиган Осиёнинг тўрт жамоасидан юлдуз ўйинчиларни танлаб олиб “Орзулар жамоаси”ни тузишди.

Дарвозадан Австралия термаси посбони Мэт Райан жой олган. Ҳимоячилар - Ацуто Учида (Япония), Жалол Ҳусайни (Эрон), Хонг Жонг Хо (Ж.Корея) ва Юто Нагатомо (Япония).

Ярим ҳимоя чизиғига эса Жавод Некунам (Эрон), Майл Жединак (Австралия), Хонг Сён Минг (Ж.Корея), Кейсуке Хонда ва Шинжи Кагава (ҳар иккаласи Япония) каби футболчилар қўйилди.

Ҳужумда фақат Тим Кэйхилл (Австралия) ўрин олди. Шунингдек, захирада Эйжи Кавашима (Япония), Ким Ёнг Гвон (Ж.Корея), Макото Хасебе (Япония), Ки Сон Ёнг (Ж.Корея) ва Ризо Гучаннажод сингари футболчилар бор.