ОЧЛ. Бугун "Локомотив" ўйнайди
27 фев 2017 08:00
Янгиликлар

ОЧЛ. Бугун "Локомотив" ўйнайди

Бугун Осиё чемпионлар лигаси 2-туридан ўрин олган дастлабки 4та ўйин бўлиб ўтади.

Ўзбекистон чемпиони ва кубоги соҳиби, Тошкентнинг "Локомотив" ўз майдонида БАА чемпиони "Ал Аҳли" клубини қабул қилади. Баҳс соат 16:00да ТТЗ даҳасидаги "Локомотив" стадионида бошланади. "Ал Аҳли" илк турда ўз майдонида "Истиқлол"ни 2:1 ҳисобида таслим қилганди.

Гуруҳдаги иккинчи ўйин Теҳроннинг "Истиқлол" ва Саудия Арабистонининг "Ал Таавон" клублари ўртасида Уммондаги нейтрал майдонда бўлиб ўтади. Бу учрашув Тошкент вақти билан соат 20:30га белгиланган.

Бундан ташқари "B" гуруҳида ҳам иккита баҳс ўтказилади.

"A" гуруҳи
16:00 - "Локомотив" - "Ал Аҳли"
20:30 - "Истиқлол Теҳрон" - "Ал Таавон"

"B" гуруҳи
20:10 - "Ал Фатеҳ" - "Лаҳвия"
20:30 - "Ал Жазира" - "Истиқлол Хузистон"