"Обод": Машғулотлар тугади, эртага ўйин

21 декабрь куни бошланган машғулотларда 25 нафардан зиёд футболчи иштирок этди. Ўйинчилар орасида кўрикдан ўтаётгани ҳам бор. Хусусан, Акмал Турсунбоев, Шерзод Жалилов, Анвар Раҳимов, Суннатилла Абдуллажонов, Аббос Набиев, Жавлон Искандаров, Санжар Тўрақулов, Суннат Эрматов кўрикда бўлди. Машғулотлар режа асосида кунига бир ва икки маҳалдан олиб борилди. Шамоллаб қолгани боис, Анвар Раҳимов ва Шоҳруз Норхонов уч кун машғулотларда иштирок эта олмади. Ҳар иккала футболчи ҳам бугун ўтказилган сўнгги машғулотларда сафга қўшилишди.

Эртага жамоа аъзолари икки таркибга бўлинган ҳолда ўзаро учрашувда майдонга тушишади. Баҳс "Обод" майдонида бўлиб ўтади. Беллашув 10:30да бошланади. Шундан сўнг жамоа аъзолари янги йил байрами муносабати билан қисқа таътилга чиқишади. Жамоа январь ойининг 3-санасидан бошлаб тайёргарликнинг иккинчи босқичига киришади. Машғулотлар икки маҳалдан олиб борилади.