Неймар "Барселона"дан кетиши сабабини айтди

"Мақсадим индивидуал совринларни ютиш бўлмаганди. Тўғрисини айтсам, бундай нарсалар хаёлимга ҳам келмаганди.

Дунёнинг энг яхшиси бўлиш учун "Барселона"дан кетмадим. Кетишимга оз қолганида Месси мендан сўради: "Нега кетмоқчисан? Дунёнинг энг зўри бўлмоқчимисан? Мен сени энг зўри қиламан", деганди.

Бироқ гап бунда эмасди. Албатта, молиявий томонлама ПСЖнинг таклифи "Барселона"никидан анча яхши эди, у ерда бразилияликлар ҳам кўпроқ бўлганди, улар менинг дўстларим. Барчасини хавф остига қўйдим, лекин дунёнинг энг зўри бўлиш ҳақида ўйламадим", - деди "Ал Ҳилол" футболчиси.