"Нефтчи" - "Насаф" учрашувидан олдин превью

Айтиш керакки, “Нефтчи” ҳамда “Насаф” жамоалари шу кунга қадар ўзаро 38 марта тўқнаш келишган. Мазкур ўйинларнинг 15 тасида “Нефтчи” жамоаси зафар қучган бўлса, худди мана шундай кўрсаткичда қаршилик футболчилар ўз ғалабаларини тантана қилишган. 8 та ўйинда томонлар муроса кўчасини танлашган. Тўплар нисбати: 46:48. “Насаф” жамоаси фойдасига.

Афсуски, “Насаф”га қарши ўтган сўнгги баҳслардаги натижалар жамоамиз учун қониқарли эмас.  2015-йилдиги ҳар иккала баҳсда “Насаф” футболчилари кичик ҳисобда ғалабага эришишган. Фарғонада кечган беллашув тақдирини қаршиликлар етакчиси Артур Геворкян ҳал этган бўлса, Қаршидаги ўйинда Илҳом Шомуродов ўз жамоасига ғалабани тақдим этган.

Фарғонада кечган сўнгги 7 учрашув:
2015 йил. “Нефтчи” – “Насаф” 0:1
2014 йил. “Нефтчи” – “Насаф” 0:1
2013 йил. “Нефтчи” – “Насаф” 1:1
2012 йил. “Нефтчи” – “Насаф” 0:0
2011 йил. “Нефтчи” – “Насаф” 1:1
2010 йил. “Нефтчи” – “Насаф” 1:2
2009 йил. “Нефтчи” – “Насаф” 1:0

Маълумот ўрнида, 26 март куни  “Истиқлол” стадионида бўлиб ўтадиган ўйинни Б. Намазов бошчилигидаги ҳакамлар гуруҳи бошқариб боради.  Эслатиб ўтамиз, Ўзбекистон Кубоги доирасидаги “Нефтчи” – “Насаф” ўйинин 26 март куни Фарғона шаҳридаги “Истиқлол” стадионида бўлиб ўтади. Ўйин соат 17:00да старт олиши режа қилинган.

“Нефтчи” матбуот хизмати