"Нефтчи" бошқа яна автобус олади

Яқинда ушбу янги автобусдан клуб фойдаланмаётганини ҳақида айтилаётганди. Бунга сабаб сифатида хориждан келтирилган автобус яроқсиз холатда эканлиги кўрсатилганди. Яқинда Фарғонада ўтказилган матбуот анжуманида клуб раиси Комилжон Мирзабоев ушбу масалага ҳам тўхталиб ўтди.

- Машғулотларга "Икарус"да бориб келаётганиз тўғри. Лекин бу  янги ҳарид қилинган "Фотон" автобусини бузуқлигини англатмайди. Бунинг сабаби ёқилғи билан боғлиқдир. Клуб йиллик сарф ҳаражатларига қанча миқдорда ёғилғи ишлатиш ёзиб кўрсатилмайди. Шу боис ҳар иккала автобусга ҳам дизел ёқилғисини қуйишга имкониятимиз йўқ эди. Лекин шу кунларда бир дизел қуйиш шаҳобчаси билан келишувга эришмоқдамиз. Шунда ўзимиз хоҳлаган автобусларнинг биридан фойдаланиш имкониятига эга бўламиз. Қолаверса яқинда яна бир "Isuzi" автобусидан ҳам сотиб олишни режалаштириб турибмиз. Бизда бу йил аёллар жамоаси олий лигада ўйнайдиган бўлмоқда. Мазкур жамоага ҳам битта автобусни беришимиз керак бўлади", - дейди Комилжон Мирзабоев.