"Навбаҳор": Йиғин сўнггида "Сўғдиёна" мағлуб этилди

Йиғиннинг сўнгги кунида футболчиларимиз Жиззахнинг "Сўғдиёна" клуби билан куч синашишди. Жиззахликлар билан ўтган ўйинда Ғофуров шогирдлари устунликка эга бўлишди. Бу жиҳат якуний ҳисобни 3:0 бўлишини таъминлади. Дастлаб Дилшод Жабборов қанотдан узатилган тўпни боши билан дарвозага жойлаб қўйди. Танаффусга қадар жамоамизнинг чап қанотдан уюштирган ҳужуми ҳам самарали якунланди. Анвар Ражабовнинг қанотдан узатган тўпи ҳимоячига тегиб тўрдан жой олди. Учрашув якунланиши арафасида захирадан майдонга тушган Сардор Азимов ҳисобни йирик кўринишга олиб келди.

"Навбаҳор" таркиби қуйидагича бўлди: Акмал Ортиқов, Обид Жўрабоев, Хайрулла Каримов, Игорь Голбан, Азизбек Ғуломхўжаев, Аъзам Алиев, Дилшод Жабборов, Отабек Валижонов, Анвар Ражабов, Тимур Аюпов, Мўйдин Мамазулумов.

Захирадан майдонга тушганлар: Ботир Тўрабоев, Азизбек Турғунбоев, Алишер Маҳмудов, Санжар Асқаралиев, Шоҳжаҳон Аббосов, Сардор Азимов, Нодир Мавлонов, Равшан Асланов, Қаҳрамон Маҳаммаджонов.

Учрашувда жароҳатлари борлиги туфайли Тоҳир Шамситдинов ва Акрам Баҳриддиновлар иштирок эта олишмади. Украиналик ҳужумчи Олександр Пишур эса таътилдан фойдаланиб, уйига бориб келиш учун рухсат олгани сабабли ўйинда қатнашмади. Шу тариқа Тошкентда ташкил этилган дастлабки йиғин якунланди. Жамоа аъзолари қисқа муддатлик таътилдан сўнг 2 феврал куни яна Тошкентда йиғилишади.