"Манчестер Юнайтед" Бундеслигада ишлаётган мураббийни кузатмоқда. У аввалроқ "Челси" шорт-листида бўлган
20 янв 16:07
Янгиликлар

"Манчестер Юнайтед" Бундеслигада ишлаётган мураббийни кузатмоқда. У аввалроқ "Челси" шорт-листида бўлган

"Манчестер Юнайтед" раҳбариятининг барча саъй-ҳаракатлари Майкл Кэррикнинг доимий ўринбосарини топишга қаратилган.

Сэр Жим Рэтклифф ва унинг жамоаси эътиборини Германия чемпионати вакилига қаратди.

Руди Галеттининг хабар беришича, "Манчестер Юнайтед" Дортмунднинг "Боруссия" жамоаси бош мураббийи Нико Ковачни яқиндан кузатиб бормоқда. У "асаларилар" билан тузган шартномасига кўра, 2027 йилнинг ёзигача клуб билан боғланган.

МЮ ҳозирча фақат кузатув билан банд, клуб баҳорга қадар ҳеч қандай номзод билан расмий музокара бошлашни режалаштирмаяпти, чунки "Олд Траффорд"да янги мураббий билан қандай лойиҳа қурилиши аниқ белгилаб олиниши керак.

Қайд этилишича, Ковач аввалроқ "Челси" Энцо Марескага ўринбосар қидирган пайтда ҳам шорт-листдан жой олганди. Бироқ якунда немис мураббий эмас, балки англиялик Лиам Росеньор танланган.

Ҳавола :

Манба : The Sun

Янгиликларни Телеграмда ўқинг!

Рейтинг: +2