“Кристал Пэлас” £ 7,8 млн эвазига 20 ёшли ҳимоячи сотиб олди
24 июл 2017 22:15
Янгиликлар

“Кристал Пэлас” £ 7,8 млн эвазига 20 ёшли ҳимоячи сотиб олди

Англиянинг “Кристал Пэлас” клуби “Аякс” ҳимоячиси Жайро Ридевальдни ўз сафига қўшиб олди.

Инглизлар 20 ёшли ҳимоячи билан 5 йиллик шартнома имзолашди. Футболчининг трансфер суммаси расман ошкор қилинмаётган бўлсада, Англия матбуоти Ридевальднинг 7,8 млн (8,5 млн евро) фунт стерлинг эвазига “Кристал”га кўчиб ўтганини айтмоқда.

Ридевальднинг “Кристал Пэлас”га ўтишида асосий ролни Франк де Бур ўйнади. Айнан шу мураббий қўл остида футболчи 2013 йили “Аякс”нинг асосий таркибида дебют учрашувини ўтказган эди. Ўтган мавсумда Ридевальд “Аякс” либосида фақат чемпионат баҳсларида 16 та ўйинда майдонга тушди.