Кьеллини "Ювентус"га қайтиши мумкин, фақат футболчи сифатида эмас
30 ноя 2022 18:42
Янгиликлар
Кьеллини "Ювентус"га қайтиши мумкин, фақат футболчи сифатида эмас
"Ювентус" собиқ ҳимоячиси Жоржо Кьеллини Турин клубига қайтиб, раҳбарлик лавозимларидан бирини эгаллаши мумкин.
Бу ҳақда журналист Николо Скира хабар бермоқда.
38 ёшли футболчи жорий мавсум MLS'нинг "Лос-Анжелес" клубида ўйнади.
Аввалроқ "Ювентус" Италия футбол клуби директорлар кенгаши истеъфога чиққанини маълум қилганди.
Клуб президенти Андреа Аньелли ҳам Италия грандини тарк этди. Шунингдек, туринликлар раҳбари ўринбосари Павел Недвед ҳам истеъфога чиқди. Ижрочи директор Маурицио Арривабене янги директорлар кенгаши тузилмагунча клубда қолади.
Кьеллини "кекса синьора" сафида барча мусобақаларда 561 та ўйинда майдонга тушиб, 36 та гол урди ва 25 та голли узатмани амалга оширди. Футболчи "Ювентус" билан 19 та соврин, жумладан, 9 та Скудетто ва 5 та Италия Кубогини қўлга киритган.
Ўхшаш янгиликлар
championat.asia
Лёв ёки Билич келишига Кападзе нима дейди?
Терма жамоага хорижлик мураббий керакми?
Йоахим Левга яқин манба Ўзбекистон билан музокаралар бўлаётганини тасдиқлади, мураббийга маслаҳатчи лавозими таклиф қилинган – Sport24
Роналду – энг яхши!
Фикрлар