Кака: “Шевченко, Гаттузо ва Пирлонинг катта жамоаларни бошқараётганини кўриш мен учун ёқимли”
14 окт 2020 19:45
Янгиликлар

Кака: “Шевченко, Гаттузо ва Пирлонинг катта жамоаларни бошқараётганини кўриш мен учун ёқимли”

Бразилиялик собиқ футболчи Кака ҳозирда мураббийлик сифатида фаолият олиб бораётган собиқ жамоадошлари ва “Милан” ҳақида гапирди.

“Учрашувларни футболни хуш кўрувчи нейтрал одам сифатида томоша қиламан, аммо агар “Милан” ўйнаса, унда “Милан”га мухлислик қиламан. Бу туйғу ҳеч қаерга йўқолмаган. Менга ҳозирда клубда рўй бераётган воқеалар ёқмоқда, айниқса, тажрибали футболчилар ва ёшларнинг комбинацияси. Златан даражани кўтаради, уларни ўсишга ундайди – швед доимо бунга тайёр.
Шевченко, Гаттузо ва Пирло катта жамоаларни бошқараётганини кўриш мен учун ёқимли, бу жуда зўр. Андреа эндигина дублда иш бошлаганди, аммо ҳозир “Ювентус”нинг асосий жамоасини бошқармоқда. Пирло футболни яхши тушунади, унинг кузатиш эса мароқли бўлади. У Анчелотти, Аллегри ва Конте каби буюк мураббийлардан сабоқ олган. Андреа ноёб мураббий бўлади”, дейди Кака.