Кака Бразилия терма жамоасида Карло Анчелоттига ёрдам бериш истагини билдирди
20 май 15:27
Янгиликлар

Кака Бразилия терма жамоасида Карло Анчелоттига ёрдам бериш истагини билдирди

"Реал", "Милан" ва Бразилия терма жамоаси собиқ футболчиси Кака "селесао" мураббийлар штабида ишлашга тайёр.

"Агар терма жамоа ёрдамим тегади деб ҳисобласа, тайёрман. 2017 йилда футболни тарк этдим ва шундан бери таҳсил олиб келаман. Гарвардда спорт бизнеси , УEФАда спорт менежменти ва Бразилия футбол конфедерациясида мураббийлик курсларини тамомладим. Ортимда учта жаҳон чемпионати ва термадаги 15 йилдан ортиқ фаолият бор. Мен тайёрман", – деди Кака.

12 май куни Бразилия терма жамоаси матбуот хизмати италиялик мутахассис Карло Анчелотти терма жамоанинг янги бош мураббийи бўлганини маълум қилди. Бу тайинловдан сўнг мураббий "Милан"да ўзи устозлик қилган Какани ўз штабида кўрмоқчи эканлиги ҳақида маълумотлар пайдо бўлди.

Ҳавола :

Манба : ESPN

Янгиликларни Телеграмда ўқинг!

Рейтинг: +8