ЖЧ-2018 қуръасини Гари Линекер ва Мария Командная олиб боради ФОТО

1 декабрь куни Москва шаҳрида бўлиб ўтадиган қуръа ташлаш маросимини кимлар олиб бориши маълум бўлди.

- Гари Линекер ЖЧ-2018 қуръасини олиб боради
- Англия афсонасига россиялик спорт журналисти Мария Командная ёрдам беради
- Қуръа ташлаш жараёнида Никита Симонян ва яна 7 нафар инсон ассистент бўлади

«Футболчи сифатида икки марта Жаҳон чемпионатида иштирок этганман, — дейди Линекер. — Бу сафар қуръа натижаларини эълон қилувчи. Ўз жамоамга кимлар рақиб бўлишини кутиш азоб эди, шу боис қуръа ташлаш маросими қанчалик ҳаяжонли маросим эканлигини биламан».

Мария Командная спорт журналистикасида радио ва телевидениядаги ишлари орқали анча машҳур. У FOX Sports ва «Матч ТВ» телеканаллари ва «Москва FM» радиостанциясида фаолият олиб борган.

«Қуръа — бу уникал ҳодиса, — дейди Мария Командная. — Миллионлар мухлислар нафас олмай қуръа жараёнини кузатишади, ахир айнан шу дақиқадан Жаҳон чемпионати старт олади. Энг муҳим спорт маросимларидан бирида ишлаш мен учун шараф. Мухлисларга юртим қанчалик чиройли эканлигини кўрсатишни истайман. Барчамиз ўз ишимизни яхши кўрамиз. Ишонинг бу жуда ҳам ажойиб маросим бўлади».