Жасур Абдураимов шу ҳафтада ўз ўрнини Шота Арвеладзега бўшатади

Яқин кунларда "Пахтакор" Шота Арвеладзени расман бош мураббий сифатида таништиради. Жамоанинг ҳозирги устози Жасур Абдураимов куни кеча "Насаф"га қарши ўйиндан сўнг Шота Арвеладзенинг келиши миш-миш эмаслигини айтганди:

- Бу миш-миш эмас. Бу ҳақиқат. Шота Арвеладзе айни пайтда Тошкентга келган ва деярли ишга киришишган. Улар футболчиларни кўриб боришмоқда, жамоа билан яқинан танишиб чиқишмоқда. Менга хорижлик мутахассис келиши ҳақида аввалдан айташганди. Янги мураббий иккинчи даврадан бошлаб жамоани бошқаради. Мен "Пахтакор"даги қисқа фаолиятим давомида яхшигина тажриба эга бўлдим, - деганди Абдураимов.

Маълумот учун, Шота Арвеладзе "Пахтакор" - "Наcаф" учрашувини стадиондан кузатиб борди.