UZ

Сўнгги янгиликлар

00:54Виллиан келажакдаги режалари билан ўртоқлашди  0 00:33Месси "Барселона" билан мавсум якунлангандан сўнг музокара олиб боради   1 00:15Ла Лига. "Севилья" ғалабага эришиб, жадвалда "Барса"ни ортда қолдирди, "Осасуна" "Валенсия"ни енгди  1 00:05Ла Лига. "Кадис" – "Реал Мадрид": Марсело, Бланко ва Родриго асосийда!   11 00:02АПЛ. Сон сўнгги дақиқада пенальтидан гол уриб, "Тоттенхэм"га ғалаба келтирди   2 23:55ОЧЛ. АГМК - "Шабаб Ал Аҳли" 0:1 (матнли трансляция)  53 23:45МДҲ давлатларида яшовчилар учун: АГМК - "Шабаб Ал Аҳли" учрашувини ЖОНЛИ ТОМОША қилинг  6 23:37АПЛ. "Астон Вилла" – "Манчестер Сити". Асосий таркиблар маълум!   5 23:30А Серия. Ибрагимовичсиз "Милан" ўз уйида "Сассуоло"га мағлуб бўлди, Распадоридан дубль  5 23:26А Серия. "Ювентус", "Интер" ва бошқа клубларнинг асосий таркиблари билан танишинг   3 23:16А Серия. "Женоа" – "Беневенто". Бошланғич таркиблар!  24 23:08Бундеслига. "Боруссия" Д, "Штутгарт", "Вольфсбург" ва бошқа жамоаларнинг таркиблари маълум  2 22:52Элдор Сакаев: "Футбол халқ учун, мухлислар учун"  3 22:50Бахтиёр Ашурматов: "Янгиер"да ғалабага бўлган иштиёқ кучлилик қилди"  4 22:46АГМК - "Шабаб Ал Аҳли". Суҳроб Султонов ва Жалолиддин Машарипов асосий таркибда!  45

"Грузияда "Пахтакор", Самарқанд ва ўзбек палови ҳақида жуда яхши билишади". "Торпедо Кутаиси"да ўйнаётган Мурод Тўйчибоев билан интервью Янгиликлар

"Грузияда "Пахтакор", Самарқанд ва ўзбек палови ҳақида жуда яхши билишади". "Торпедо Кутаиси"да ўйнаётган Мурод Тўйчибоев билан интервью

Бугунги кунда Европанинг кўплаб чемпионатларида ўзбекистонлик футболчилар тўп тепаётгани янгилик эмас.

Фаолияти давомида "Металлург", "Навбаҳор", "Нефтчи", "Динамо", Бангладешнинг "Арамбат", "Бразерс Юнион" клубларида ўйнаган ҳамюртимиз Мурод Тўйчибоев яқинда Грузиянинг "Торпедо Кутаиси" жамоаси аъзосига айланди. Шу муносабат билан футболчи билан алоқага чиқдик ва қатор мавзуларда суҳбатлашдик.

- Ўзбекистонлик футболчиларнинг Грузия чемпионатида ўйнаши кам кузатиладиган ҳолат ҳисобланади. "Торпедо Кутаиси"га ўтишингиз қай тариқа юз берди?

- Авваламбор ассалому алайкум. Грузия жамоасига агентлар орқали келдим. Қишда олдимда Беларусь чемпионатидан ҳам вариант бор эди. Лекин, улар фақат кўрик учун чақиришди. "Торпедо Кутаиси" эса 90 фоизлик шартнома таклиф қилди. Клубдаги шароитлар менга ёқди. Якунда шу жамоани танладим. 

- Бир муддат Бангладешнинг "Арамбат", "Бразерс Юнион" жамоалари шарафини ҳимоя қилдингиз. Демак, Грузия сиз учун олдинга ташланган катта қадам, десак тўғри бўладими?

- Ҳа, маълум вақт Бангладешда ҳам ўйнашимга тўғри келди. "Торпедо Кутаиси" албатта ортга эмас, олдинга ташланган қадам. Бу билан тўхтаб қолмоқчи эмасман. Бундан ҳам яхши ва кучли чемпионатларда тўп тепиш ниятим бор. 

- Янги жамоангиз сизни қандай кутиб олди? Клубдаги шароитлардан кўнглингиз тўлдими?

- Жамоага келган илк кунимданоқ мени яхши кутиб олишди. Машғулотларга ҳам тезда киришиб кетдим. Мураббий ҳам, жамоадошларим ҳам мени ҳурмат қилишади. Шароитлар аъло даражада, таърифга тил ожиз. Клуб менга яшашим учун квартира ҳам берди. Умуман олганда ҳаммаси яхши. 

- "Торпедо Кутаиси"да аввалги жамоаларингизда гувоҳ бўлмаган қайси жиҳатларни кўра олдингиз?

- Бу ерда фақат футбол ҳақида ўйлайсиз. Қолган ҳамма нарса мавжуд.

- Ўзбекистон чемпионатида ҳам грузиялик футболчилар сони ортмоқда. Яқиндан кўриб ва кузатиб уларнинг асосий устун жиҳатлари нимада эканлигини айта оласизми?

- Суперлигамизда ҳам грузиялик футболчилар тўп тепаётганидан хабарим бор. Футболчининг ҳаёти шундай. Ризқни қаерда берса ўша жойда ўйнайди.  Уларнинг устун томони жисмоний жиҳатдан бақувват ва бўйдорлиги билан ажралиб туради.

- Юртимиздаги фаолиятингиздан қай даражада кўнглингиз тўлган? Сизга нисбатан ноҳақликлар бўлганми?

- Қайсидир жамоадаги фаолиятимдан кўнглим тўлган, яна қайсидир клубдаги ҳаракатларимдан эса аксинча қониқиш ҳосил қилмаганман. Булар ҳақида гапириб берсам суҳбатимиз чўзилиб кетади. Ноҳақликлар кўп бўлган. Аммо, ҳозирда буларни эслашни ҳожати йўқ, деб ўйлайман. Бугунги кунимдан хурсандман. 

- "Торпедо Кутаиси" жуда ҳам тарихий жамоа ҳисобланади. Собиқ иттифоқ даврида бу жамоа билан "Пахтакор"нинг йўллари кўп кесишган. Умуман Грузияда Ўзбекистон деганда биринчи навбатда нимани тушунишади?

- Ҳа, гапларингизни барчаси рост. Мазкур клубни ўзига яраша тарихи бор. Ўзбекистон деганда жамоадошларим, маҳаллий мухлислар "Пахтакор" клубимизни яхши билишади. Шунингдек Самарқанд, Бухоро каби тарихий жойларимиз ҳақида ҳам маълумотга эгалар. Ва албатта севимли таомларимиздан бири паловни жуда яхши кўришар экан. Уларга Ўзбекистон чиройли, тинч ва осуда мамлакатлигини айтиб берганман.

- Пайтида "Нефтчи", "Навбаҳор" каби водий клублари шарафини ҳимоя қилгансиз. Сизнингча водийда футбол ўсяптими?

- "Навбаҳор"да кўзга кўринарли ўзгаришларга қўл урилмоқда. "Нефтчи"га келсак, менимча бу жамоа жорий мавсумда Суперлигага қайтса керак. Чунки, таркибга тажрибали ва маҳоратли ижрочилар жалб қилинган. Биласизми, футболда ҳаққонийлик бўлса ижобий натижаларга эришиш мумкин. 

- Грузияга агентлар орқали келдим, деб айтдингиз. Ҳозирги пайтда футболда агентларнинг ўрни қай даражада? Лекин, ёш футболчилар бу борада алданиб қолаётган ҳолатларни ҳам кўрмоқдамиз...

- Агентлар сони кўпайиб бормоқда. Уларнинг аксарияти ўз чўнтагини ўйлайди, ишининг устаси эмас. Ёшларга пулга қизиқиб шошилинчда агент танлашда хато қилмасликларини сўраб қолган бўлардим.

- Ажойиб суҳбат учун ташаккур. Айтадиган гапларингиз, тилакларингиз бўлса марҳамат... 

 - Юртимиз тинч бўлсин. Тез орада Суперлига баҳслари старт олади. Барча иштирокчи жамоаларга омад тилайман. Суҳбат учун сизга ҳам раҳмат.

Абдулазиз Искандаров суҳбатлашди

Рейтинг: +8   

Фикрлар

+3   
03 мар 14:12:11
qizilqum_city
Тошкентга куп маротаба келган бу жамоа
+2   
03 мар 15:08:34
Албарс
Адашмасам 1982 йил "Торпедо" (Кутаиси) собиқ иттифоқнинг олий лигасига чиққан эди , 1981 йил "Пахтакор"да ўйнаган Манучар Мачаидзе "Торпедо"га ўтиб кетган эди.. Тошкентдаги ўйинда "Пахтакор" фойдасига берилган пенальтини тепишга чоғланган Андрей Якубикнинг қулоғига Манучар энкайиб бир нималар деди ва пенальти голга айланмади... Нима деган билмадим ..шунчаки шу манзара кўз олдимда қолиб кетган
+2   
03 мар 13:56:59
СЭР АЛЕКС
Легионарларимиз географиясини кенгайганидан хурсандмиз. ОМАД.
+2   
03 мар 13:54:56
СЭР АЛЕКС
Легионерлар географиясини кенгайганидан хурсандмиз. ОМАД.
+1   
03 мар 17:17:07
Алишер Собиров
САЮЗ ДАВРИДА УТИШ ТУРНИРИДА НЕФТИЯНИК ФАРГОНА ТОРПЕДА КУТАИСИ УЙНАГАН..ЯНА КАТАЙК АБОВЯН...НИСТРУ КЕШЕНОВ...ДАВУГАВА РИГА БИЗ ЕШЛАРИ КАТАРОК ИШКИБОЗЛАР ЖУДА ЯХШИ ЭСЛАЙМИЗ НЕФТИЯНИК ШОНЛИ ТАРИХГА ЭГА
+1   
03 мар 14:19:45
Азамат Одилов
Омад!!!
   
06 мар 12:54:15
Muxammad Tursun
Bu bola doʻstim boʻgladi ishini rivojini bersin omod doʻstim
   
03 мар 15:17:57
Азамат Одилов
Албарс фойдаланувчининг фикрига жавоб бериш
Адашмасам 1982 йил "Торпедо" (Кутаиси) собиқ иттифоқнинг олий лигасига чиққан эди , 1981 йил "Пахтакор"да ўйнаган Манучар Мачаидзе "Торпедо"га ўтиб кетган эди.. Тошкентдаги ўйинда "Пахтакор" фойдасига берилган пенальтини тепишга чоғланган Андрей Якубикнинг қулоғига Манучар энкайиб бир нималар деди ва пенальти голга айланмади... Нима деган билмадим ..шунчаки шу манзара кўз олдимда қолиб кетган
Эсимда янги йил байраимда Моничар секин енкайиб келиб гол урмаслиги Якубикдан сураганини Андрей айтган эди.
   
03 мар 14:25:13
Fc Nasaf chempion
Грузияда Каршини Шайхали сини хам яхши билишади.
championat.asia
< сўнгги янгиликларни кўриш
Яндекс.Метрика