Франция терма жамоаси афсонаси Мбаппенинг "Реал"даги ўйинини танқид қилди
08 ноя 2024 12:48
Янгиликлар

Франция терма жамоаси афсонаси Мбаппенинг "Реал"даги ўйинини танқид қилди

Франция терма жамоаси, шунингдек, "Арсенал" ва "Барселона" собиқ ҳужумчиси Тьерри Анри "Реал"нинг франциялик ҳужумчиси Килиан Мбаппенинг сўнгги ўйинлардаги ҳаракатларини танқид остига олди.

"Менимча, жамоанинг ундан [Мбаппе] ҳафсаласи пир бўлди ва буни қабул қилиш осон нарса эмас... Жуд Беллингем тўққизинчи рақам [Мбаппе] қилиши керак бўлган ишни бажаришга ҳаракат қилмоқда... У яхши ҳолатга кириб олса керак, чунки бундан баттари бўлмайди. Биз ундан Дидье Дрогба каби тўпни ушлаб туришини, тўпни олиб ҳаммани алдашини сўрамаяпмиз, лекин жамоа формада бўлганида ўзини кўрсатишини талаб қиляпмиз", – деди Анри.

Хабарингиз бор, Мбаппе ёзда ПСЖдан эркин агент сифатида келиб қўшилганди. Килиан "галактикос" сафида жорий мавсум 15 та ўйиндан кейин 8 гол ва 2 голли узатмага эга.

Аввалроқ Дрогба ўз пайтида Анри "Олтин тўп" ютишга лойиқ бўлгани ҳақида фикр билдирган эди.

Ҳавола :

Манба : Marca

Янгиликларни Телеграмда ўқинг!

Рейтинг: +5