Эктор Купер 6 август куни тонгда юртимизга етиб келади. Тушдан сўнг матбуот анжумани ўтказилади
04 авг 2018 14:53
Янгиликлар

Эктор Купер 6 август куни тонгда юртимизга етиб келади. Тушдан сўнг матбуот анжумани ўтказилади

Аввалроқ, Ўзбекистон миллий терма жамоасини аргентиналик 62 ёшли мутахассис Эктор Рауль Купер бошқариб боришини хабар қилган эдик.

Терма жамоамизнинг янги бош мураббийи 6 август куни тонгги соат 06:10да юртимизга етиб келади. Ислом Каримов номидаги “Тошкент Халқаро Аэропорти”да Эктор Куперни кутиб олиш маросими ташкил қилинади.

Шу куни соат 15:00да Миллий Олимпия қўмитаси анжуманлари залида Эктор Куперни мухлисларга таништириш маросими ҳамда у билан матбуот анжумани ташкил қилинади.

Анжуман давомида аргентиналик мутахассис ўз режалари билан ўртоқлашиб, журналистлар саволларига жавоб бериб ўтади.

Матбуот анжуманида барча турдаги оммвий ахборот воситалари ходимлари қатнашишлари мумкин.