Эдгар Гесс: "Агар менинг кетишим жамоага ёрдам берса истеъфога чиқишга тайёрман"
22 авг 2015 19:59
Янгиликлар

Эдгар Гесс: "Агар менинг кетишим жамоага ёрдам берса истеъфога чиқишга тайёрман"

“Андижон” – “Қўқон-1912” (1:2) учрашувидан кейин ўтказилган матбуот анжуманининг иккинчи қисмида мезбонлар бош мураббийи Эдгар Гесс иштирок этди.

- Мен хавотирланган нарса содир бўлди. Ўйиндан олдин футболчиларга “Қўқон-1912” жамоаси қарши ҳужумда ўйнашини уларга айтгандим. Айниқса, бир икки нафар ўйинчидан эҳтиёт бўлишликни алоҳида ўқтиргандим. Лекин барибир меҳмонлар биринчи бўлимда иккита тўп киритишга эришишди. Айнан шу нарса шогирдларимга қаттиқ таъсир ўтказди.

- Бугунги мағлубиятга кимни айбдор деб биласиз?

- Бугунги омадсизликда юз фоиз менинг айбим бор. Мағлубиятда ҳар доим мураббийлар айбдор бўлишади.

- Энди истефога чиқишга тайёрмисиз?

- Ҳар доим тайёрман. Агар менинг кетишим жамоага ёрдам берса истеъфога чиқишга тайёрман.

- Жамоадаги муаммолар нимада?

- Муаммолар кўп. Масалан, Анвар Бердиев машғулотларимизда иштирок этаётган бўлса-да, энди майдонга тушди. Легионеримиз Предраг Вуйовичга тиббий кўрикдан ўта олмаган. Шу каби муаммолар етарлича.

Ҳавола :

Манба : kokand1912.uz

Янгиликларни Телеграмда ўқинг!

Рейтинг: -2