Драган Черан: "Ёмғирли ҳавога қарамай, стадионга келган мухлисларга алоҳида раҳмат"

Аввал, Жалолиддин Машарипов рақиб дарвозасини ишғол қилган бўлса, иккинчи бўлим ўрталарида Педро Конде мувозанатни тиклади. Учрашувдаги ғалаба тўпини эса Драган Черан киритишга муваффақ бўлди. Биз эса одатдагидек ўйиндан сўнг Чераннинг фикрларига қулоқ тутдик.

"Яхши ўйин бўлди. Оғир майдон, ноқулай ҳаво. Мен стадионга келган ишқибозларга алоҳида миннатдорчилик билдирган бўлардим. Дастлабки дақиқалардан тортиб, сўнгги сониягача тинмай қўллаб-қувватлашди. Кейинги турда ҳаво яхши бўлиб турса, мухлислар яна ҳам кўпроқ ташриф буюришади деб ўйлайман. Уларни яна бир бор хурсанд қилишга ҳаракат қиламиз. Иккинчи бўлимда майдонга одатдагидек режа асосида тушдик. Мақсадимиз кўпроқ гол уриш, олдинга интилиш эди. Биз буни уддаладик", - деди маҳоратли футболчи.

Абдулазиз Искандаров ёзиб олди