Денис Коростиченко: "Шўртан" футболчиси биринчи бўлимда четлатилиши керак эди"
04 май 2023 22:03
Янгиликлар

Денис Коростиченко: "Шўртан" футболчиси биринчи бўлимда четлатилиши керак эди"

Про лиганинг 8-туридан ўрин олган "Шўртан" – "Локомотив" учрашувидан сўнг меҳмонлар бош мураббийи Денис Коростиченко матбуот анжуманида иштирок этди.

Ўйин ҳақида

- Илк навбатда барчани навбатдаги ғалаба билан табриклайман. Йигитлар қўлдан келганча ҳаракат қилишди. Принципиал жиҳатдан биринчи бўлимда яхши ўйин намойиш этишди. Иккинчи бўлимда эса, билмадим, ҳисобдан келиб чиқибми, ҳужумларни якунлашда бироз ташаббус етишмади. Рақиб жамоа ҳам вазиятлар юзага келтирди, босим уюштиришди. Аммо бахтимизга якун биз учун бошқача бўлмади. Режа бўйича барчаси кўнгилдагидек ўтди.

- Бугун жамоангиз жуда қўпол ўйин намойиш этгандек таассурот қолдирди...

- Сизга шундай туюлгандир. Менимча, "Шўртан" футболчилари ҳам ҳаддан ташқари қўпол ўйин кўрсатишди. Эҳтимол, уларнинг футболчиси биринчи бўлимда четлатилиши керак эди.

Ҳавола :

Манба : championat.asia

Янгиликларни Телеграмда ўқинг!

Рейтинг: +1