UZ

Сўнгги янгиликлар

10:47Юлиан Нагельсман кечаги мағлубиятдан сўнг шогирдларини кескин танқид қилди  1 10:15МЮ Онанани ижарага бериши мумкин  1 09:40Бразилиялик бизнесмен бутун бойлигини Неймарга қолдирди  10 09:20Италия терма жамоасининг собиқ устози "Фенербахче"ни бошқаришга асосий номзод  2 09:00Месси ўйиндан олдин кўз ёшларини тўхтата олмади. Баҳс якунидан сўнг мухлислар билан хайрлашди  6 08:35ЖЧ-2026. Яна учта терма жамоа мундиал йўлланмасини қўлга киритди  8 08:06CAFA Nations Cup. Бугун Қирғиз Республикасига қарши майдонга тушамиз  7 07:39ЖЧ-2026 саралаш. Аргентина, Бразилия ва Уругвай йирик ҳисобда ғалаба қозонди  6 01:45ЖЧ-2026 саралаши. Германия мағлуб бўлди, Нидерландия дуранг ўйнади ва бошқа натижалар билан танишинг  9 01:20Валерий Карпин: "Иорданиядан бунақасини кутмагандик"  11 00:51Родри: "Бу жароҳат менинг фаолиятимни узайтирди"  1 00:33Даниэль Леви 24 йилдан сўнг "Тоттенхэм"дан кетди  1 00:03Ўртоқлик учрашуви. Россия - Иордания ўйинида голлар урилмади  5 23:51Фаррух Сайфиев Расул Чориевнинг ҳолидан хабар олди  14 23:31Ўртоқлик учрашуви. Саудия Арабистони Шимолий Македония термасини мағлуб қилди  0

Денис Бушуев: "Турон" футболчилари ва мураббийлар штабига вазиятни нормаллаштиргунга қадар уч-тўрт кун дам берилди" Янгиликлар

Денис Бушуев: "Турон" футболчилари ва мураббийлар штабига вазиятни нормаллаштиргунга қадар уч-тўрт кун дам берилди"

"Турон" мураббийи Денис Бушуев Championat.Asia сайтига берган интервьюсида клубдаги вазият ҳақида гапирди.

Эслатиб ўтамиз, яқинда яйпанликлар бош ҳомийси ("Турон Эко Цемент") клубни молиялаштиришни тўхтатгани ҳақида маълумот пайдо бўлган эди.


- Клубда молиялаштиришда муаммолар борлигини қандай ва қачон билдингиз?

- Бу ҳаққда кеча тонгда Қирғизистон олимпия терма жамоасига қарши назорат учрашувидан сўнг хабар олдим. Муаммо тўғрисида олдиндан ҳеч нарса деб бўлмасди: биз йиғилиш ўтказдик, кейинги ҳафта учун режа тайёрладик. Кеча оқшом эса умумий йиғилиш бўлиб ўтиши, унда раҳбарият клубни молиялаштириш тўхтатилганини эълон қилишини айтишди.

- “Турон”ни бошқариш таклифини қабул қилганингизда, клуб барқарорлиги учун қандайдир кафолат берилгандими?

- Клубнинг қандай ҳаракатлар амалга оширмоқчи эканлиги ҳақида тушунча бор эди. Менинг олдимда бир нечта бошланғич ўйинлардан сўнг жамоани Про лигага тушиб кетиш зонасидан олиб чиқиш вазифаси қўйилганди. Ёрдамчим билан биргаликда "Турон"нинг таклифини таҳлил қилдик ва якунда қабул қилдик. Етарлича ишончимиз бўлмаганида, жамоани бошқармаган бўлардик.

- Клуб билан шартномани расман бекор қилдингизми?

- Ҳозирча йўқ. “Турон” раҳбарияти футболчилар ва мураббийлар штабига уч-тўрт кун дам бериб, вазиятни қандайдир йўл билан тўғирлашга ҳаракат қилмоқчи. Бунга эришиладими-йўқми, билмайман. Лекин ҳаммаси изига тушиши билан жамоага қайтишга тайёрман.

- “Турон”ни молиялаштириш масаласи қандай ҳал этилиши ҳақида маълумот борми? Аввалги ҳомий қайтиши мумкинми ёки клуб янги ҳомий топадими?

- Иккала вариантдан бири бўлиши ҳам мумкин. Бироқ, такрор айтаман, мен учун асосийси, клубнинг ўз фаолиятини давом эттириши ҳисобланади. Ҳозир клубда нималар бўлаётганини билмайман. Айтмоқчиманки, аввалги раҳбарият ишлаш учун жуда яхши шароит яратиб берганди. Вазият нормаллашишини ва жорий мавсумда олдимизга қўйилган вазифаларни амалга оширишда давом этишимизни истардим.

Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика