Де Лаурентис: “Гамшик учун эшигимиз доим очиқ”
14 фев 2019 19:57
Янгиликлар

Де Лаурентис: “Гамшик учун эшигимиз доим очиқ”

“Наполи” президенти Аурелио Де Лаурентис словакиялик ярим ҳимоячи Марек Гамшикнинг Хитойнинг “Далянь Ифан” клубига кўчиб ўтганлигини эълон қилди.

“Биз “Далянь” билан келишувга эришдик. Марекка Хитойда омад тилаб қоламан. “Наполи” эшиклари унинг учун доим очиқ” дея Твиттердаги ўз саҳифасида хабар қолдирди Неаполь клуби раҳбари.

Гамшик 2007 йилдан буён ҳозирги вақтгача “Наполи” сафида тўп тепиб келди ва жамоа сардори сифатида таркибда энг кўп тўп тепган (520) ва энг кўп гол урган (121) футболчи сифатида тарихдан жой олди. Илгарироқ 31 ёшли футболчининг трансферидан “Наполи” 15 миллиоен евро ишлаб олиши ҳақида хабарлар тарқатилганди. Футболчининг ўзи уч йил мобайнида Хитойда 25 миллион евро маош олади.

Ҳавола :

Манба : championat.com

Янгиликларни Телеграмда ўқинг!

Рейтинг: +6