"Championat.asia" талқини: Йилнинг энг яхши футболчиси - Жалолиддин Машарипов
21 дек 2020 19:32
Янгиликлар

"Championat.asia" талқини: Йилнинг энг яхши футболчиси - Жалолиддин Машарипов

Кеча бўлиб ўтган Ўзбекистон кубоги финал баҳси билан мамлакатимизда катта футбол мавсуми ўз ниҳоясига етди.

"Championat.asia" сайти ўз анъанасига содиқ қолган ҳолда йилнинг энг яхшиларини аниқлади.

Демак, "Championat.asia" талқинига кўра, йилнинг энг яхши футболчиси - Жалолиддин Машарипов ("Пахтакор").

Анча йиллардан буён "Пахтакор"нинг алмаштириб бўлмас ўйинчиси Жалолиддин Машарипов 2020 йилги мавсумда ҳам ажойиб ўйнади. "Пахтакор" етакчиси мавсумни бир нотада ўтказа олди. Машарипов Суперлиганинг 23та баҳсида майдонга тушиб, 6 бор гол муаллифи бўлди. Лекин 14та голли пас амалга ошириб Суперлигадаги энг яхши натижани қайд этди.

Машарипов йил футболчиси бўлишда Драган Черан, Ойбек Бозоров, Одил Ҳамробеков ва Бобир Абдихолиқов каби футболчиларни ортда қолдирди.

Суперлигадаги кўрсаткичи: 23 ўйин, 1940 дақиқа, 6та гол, 14та голли пас.