“Бунёдкор” таътилга чиқди

Сергей Лушчан ўз шогирдлари билан 15-28 декабрь кунлари Тошкентда тайёргарлик жараёнини олиб борди. Ушбу йиғин давомида Виктор Кумиков бошқарувидаги “Олмалиқ” жамоаси билан назорат учрашуви ўтказилди ва унда Достонбек Ҳамдамов томонидан киритилган иккита гол “Бунёдкор”га 2:0 ҳисобида ғалаба келтирди.

Якунланган мавсумда “Бунёдкор” шарафини ҳимоя қилган Минори Сато, Юрица Бульят ва Александар Алемпиевичнинг клуб билан тузган шартномалари якунланганлиги боис улар жамоани тарк этишди.

“Бунёдкор” вакилларига 4 январга қадар таътил эълон қилинди.