Бугун "Обод" - "Сўғдиёна" учрашуви бўлиб ўтади

Тошкентдаги "Жар" стадионида олий лига дебютанти "Обод" клуби Жиззахнинг "Сўғдиёна" жамоасини қабул қилади. Учрашув соат 17:00да бошланади.

Бу жамоалар ҳозирга қадар олий лигада умуман тўқнаш келишмаган. "Обод" ортда қолган 9та тур давомида умуман ғалабага эриша олмади. Жамоа 2та дуранг қайд этди ва 7 бор рақибларга имкониятни бой бериб қўйди. Тошкент клуби 4та гол уриб ўз дарвозасидан 15та тўп олиб чиқди. Жамоа 2 очко билан олий лигада сўнгги 16-поғонани эгаллаб турибди.

"Сўғдиёна" 9та ўйинда 3 марта ғалаба қозонди, 2 бор дуранг қайд этди ва 4 марта ютқазиб қўйди. Клуб рақиблар дарвозасига 7та гол уриб 11та гол ўтказиб юборди. Жиззах жамоаси 11 очко билан мусобақа жадвалининг 8-ўринида боришмоқда.

10-тур. 27 май (жума)
«Обод» (Тошкент) – «Сўғдиёна» (Жиззах)
Ҳакамлар: Д. Пислегин (Тошкент), Б. Қодиров (Бухоро), А. Қўлдошев (Бухоро), А. Шукуруллаев (Тошкент)
Назоратчи: М. Исмоилов (Тошкент).
ЎзПФЛ вакили: А. Иноятов.