Бугун футбол. "Олмалиқ" - "Металлург"

“Олмалиқ” (Олмалиқ) – “Металлург” (Бекобод)
Ҳакамлар: Б. Намозов (Тошкент), Ж. Сарсенов (Нукус), Б. Канназаров (Нукус), Д. Жамилов (Тошкент вил.)
Назоратчи: Р.Серазетдинов (Тошкент)
ЎзПФЛ вакили: Г. Ртвеладзе

Жадвалдаги ўрни: "Олмалиқ" 9-ўринда (13 очко). "Металлург" 15-ўринда (8 очко).

Ўйиндан нима кутяпмиз? "Олмалиқ" ўз майдонида тўп тепишини ҳисобга олсак, устунлик мезбонлар томонида. Лекин "Металлург" ҳам қараб турмаса керак. Чунки бекободликларга ҳам очко сув ва ҳаводек зарур. Қолаверса, "Металлург" сафардаги ўйинларда ғалаба қозона олмаяпти.

Факт: "Олмалиқ" ўз майдонидаги тўртта ўйиндан иккитасида ғалабага эришиб, икки марта дуранг ўйнаган. Ва жамоа уйда 8 очколи бўлган. Кумиков шогирдлари уйда ҳали мағлуб бўлишмаган.

Биласизми? "Олмалиқ" ўз майдонидаги ўйинларда гол ўтказмай келаётган олий лиганинг ягона жамоаси бўлиб турибди. Тўплар нисбати 3-0.

Факт: Сафарда тўртта ўйинда майдонга тушган "Металлург" бир марта дуранг ўйнаб, учта учрашувда мағлуб бўлган. Қизиғи шундаки, "Металлург" сафарда ҳали ғалаба қозонмаган, бундан ташқари атиги битта гол урган.

Биласизми? "Металлург" сафардаги бир очкони "Бунёдкор" билан ўйинда қўлга киритган. Жамоа 1:1 ҳисобида дуранг ўйнаган.