Биринчи лигада иштирок этишни истаётган "Орол" Нукусдан чиқиб кета олмаяпти
24 сен 2013 18:42
Янгиликлар
![](https://championat.asia/upload/storage/100671_original.jpg)
![](/upload/storage/100671_220.jpg)
Биринчи лигада иштирок этишни истаётган "Орол" Нукусдан чиқиб кета олмаяпти
Афсуски, шундай. Молиявий ҳолат яхши эмаслиги туфайли "Чуст-Пахтакор" билан ўйинга етиб бора олмаган "Орол" бугун чин дилдан "Косонсой" билан ўйинга боришга ҳаракат қилганди.
Ҳаракат ҳозир ҳам давом этяпти. Нукус - Тошкент йўналиши бўйлаб ҳаракат қиладиган шоҳбекатда тушликдан бери автобус йўл харажатлари учун пул келишини кутиб турган футболчилар аллақачон кейинги турдан ҳам умидни узган бўлсалар ажаб эмас. Гап шунда-ки, тушда Тошкент сари йўлга чиқиши лозим бўлган автобус нарҳини келиша олмаганлиги боис автобус ҳайдовчиси бошқа мижозларни олган. Афтидан "Орол" маҳаллий раҳбарият учун керак эмасдек. Футболчилар шу кунгача фақат ўйин куни ўз уйларидан стадионга боришган. Маош ҳақида айтмаса ҳам бўлади. Аммо сайтда билдирилаётган фикрлардан шу нарса аниқ-ки, "Орол" Қорақалпоғистон учун керакли жамоа. Озми кўпми ўзига яраша мухлиси бор.
Агар "Орол" кейинги турда ҳам иштирок эта олмаса, ПФЛ томонидан мусобақалардан четлатилиши мумкин.
Агар "Орол" кейинги турда ҳам иштирок эта олмаса, ПФЛ томонидан мусобақалардан четлатилиши мумкин.
![AMP Logo](https://championat.asia/image/logo-amp.png)
Фикрлар