"Бешариқ" финалга чиқди

Кеча ярим финал учрашувлари бўлиб ўтди. Аввалига “ФарДУ терма жамоаси” ва “Нефтчи-2” жамоалари майдонга тушишди. Ўйин кутилганидек шиддатли ва кескин курашлар остида кечди. Натижа ҳам шунга яраша бўлди. Рақибдан бироз устунлик қилган “ФарДУ терма жамоаси” 2:1 ҳисобида ғалаба қозониб, финалга йўлланма олди.

Иккинчи финалчи номи “Бешариқ” ва “СЛС фарм клуб” жамоалари ўртасидаги баҳсдан кейин маълум бўлди. Мусобақага ҳаммадан кейин қўшилган бешариқлик футболчилар рақибни 5:2 ҳисобида доғда қолдириб, ҳал қилувчи ўйинга чиқишга муваффақ бўлишди.

Мусобақа ғолиби 30 март куни маълум бўлади.


“Наврўз Кубоги-2016”
Ярим финал
28 март
“ФарДУ терма жамоаси”  – “Нефтчи-2” – 2:1
“Бешариқ” – “СЛС фарм клуб” – 5:2

Финал
30 март
“ФарДУ терма жамоаси” –  “Бешариқ”