Бахтиёр Ашурматов: «Дарвозабон бўлса сизлар топиб беринглар»
24 июл 2014 09:25
Янгиликлар
Бахтиёр Ашурматов: «Дарвозабон бўлса сизлар топиб беринглар»
Кеча "Навбаҳор" Ўзбекистоннинг 23 ёшгача бўлган терма жамоаси билан назорат учрашувини ўтказиб йирик 1:5 ҳисобида доғда қолди.
Учрашувдан аввалроқ Бахтиёр Ашурматов билан боғланиб, айрим саволлар билан мурожаат қилдим.
Келинг, ундан аввал кечаги ўйин ҳақида икки оғиз тўхталиб ўтсам. Барча билдики, жамоамиз у қадар кучли бўлмаган терма жамоа томонидан «янчиб» ташланди. Ҳайратланарлиси шундаки, йиғилганига 3 кун бўлган янги терма жамоамиз қарийб 20 кундан бери жиддий тайёргарлик кўраётган жамоани йирик ҳисобда этди, зўр-а? Лекин масаланинг яна айрим томонлари борки, мағлубият қайсидир маънода ўринлидек, туюлади. Хусусан, кечаги ўйиндан бир кун аввал ҳам «Навбаҳор» ўртоқлик учрашувини ўтказганди. Балки ўйинчилар жисмонан тиклана олишмагандир? Шунингдек, Ашурматовнинг жамоа билан бирга эмаслиги ўйинга таъсир қилаётгандир? Ҳар ҳолда, унинг ёрдамчилари юқори савиядаги мураббийлар эмас. Аммо нима бўлган тақдирда ҳам терманинг ёш таркиби «Навбаҳор»ни бунчалик осонлик билан мағлуб этмаслиги лозим эди.
- Бахтиёр ака, мухлисларимизни биринчи галда таркибдаги ўзгаришлар қизиқтиради. Шу ҳақда тўхталиб ўтсангиз.
- Хабарингиз бўлса керак, сафимизга Дилшод Жабборов, Алишер Саматов, Бобур Акбаров, Акбар Саттаев, Руслан Качур ва Александр Каблашлар қўшилди. Юқоридаги уч ўйинчи билан битим тузилган бўлса, қолганлар кўрикда. Ҳозирча уларнинг тақдири номаълум. Легионерлар маҳаллий ўйинчилардан устун саналсагина, улар жамоада қолишади.
- Таркибга янги ўйинчилар қўшилиши мумкинми?
- Биз таркибда кўришни истаган футболчилар ўз жамоалари билан шартномага эгалар. Ўз навбатида ҳеч кимга керак бўлмаган футболчилар бизга ҳам керак эмас.
- Айни пайтда терма жамоа билан биргамисиз ёки «Навбаҳор» йиғинида ҳам иштирок этяпсизми?
- Айни дамда терма жамоа ихтиёридаман. «Навбаҳор»да эса машғулотларни ёрдамчиларим - Зоҳид Нурматов, Мустафо Байрамов ва Сергей Захарецкийлар олиб боришмоқда. Терма жамоанинг йиғини 29 июль куни ниҳоясига етади. Шундан сўнг, жамоамга қайтаман.
- Мухлисларимиз жамоага янги дарвозабон келишини исташмоқда
- Юқорида айтганимдек, биз хоҳлаган ўйинчиларнинг ўз жамоалари билан келишувлари бор. Тимур Жўраев «Локомотив» билан бирга бўлса, Мурод Зуҳуров «Бунёдкор»да. Дарвозабон бўлса, сизлар топиб беринглар...
Улуғбек АБДУЛЛАЕВ
Келинг, ундан аввал кечаги ўйин ҳақида икки оғиз тўхталиб ўтсам. Барча билдики, жамоамиз у қадар кучли бўлмаган терма жамоа томонидан «янчиб» ташланди. Ҳайратланарлиси шундаки, йиғилганига 3 кун бўлган янги терма жамоамиз қарийб 20 кундан бери жиддий тайёргарлик кўраётган жамоани йирик ҳисобда этди, зўр-а? Лекин масаланинг яна айрим томонлари борки, мағлубият қайсидир маънода ўринлидек, туюлади. Хусусан, кечаги ўйиндан бир кун аввал ҳам «Навбаҳор» ўртоқлик учрашувини ўтказганди. Балки ўйинчилар жисмонан тиклана олишмагандир? Шунингдек, Ашурматовнинг жамоа билан бирга эмаслиги ўйинга таъсир қилаётгандир? Ҳар ҳолда, унинг ёрдамчилари юқори савиядаги мураббийлар эмас. Аммо нима бўлган тақдирда ҳам терманинг ёш таркиби «Навбаҳор»ни бунчалик осонлик билан мағлуб этмаслиги лозим эди.
- Бахтиёр ака, мухлисларимизни биринчи галда таркибдаги ўзгаришлар қизиқтиради. Шу ҳақда тўхталиб ўтсангиз.
- Хабарингиз бўлса керак, сафимизга Дилшод Жабборов, Алишер Саматов, Бобур Акбаров, Акбар Саттаев, Руслан Качур ва Александр Каблашлар қўшилди. Юқоридаги уч ўйинчи билан битим тузилган бўлса, қолганлар кўрикда. Ҳозирча уларнинг тақдири номаълум. Легионерлар маҳаллий ўйинчилардан устун саналсагина, улар жамоада қолишади.
- Таркибга янги ўйинчилар қўшилиши мумкинми?
- Биз таркибда кўришни истаган футболчилар ўз жамоалари билан шартномага эгалар. Ўз навбатида ҳеч кимга керак бўлмаган футболчилар бизга ҳам керак эмас.
- Айни пайтда терма жамоа билан биргамисиз ёки «Навбаҳор» йиғинида ҳам иштирок этяпсизми?
- Айни дамда терма жамоа ихтиёридаман. «Навбаҳор»да эса машғулотларни ёрдамчиларим - Зоҳид Нурматов, Мустафо Байрамов ва Сергей Захарецкийлар олиб боришмоқда. Терма жамоанинг йиғини 29 июль куни ниҳоясига етади. Шундан сўнг, жамоамга қайтаман.
- Мухлисларимиз жамоага янги дарвозабон келишини исташмоқда
- Юқорида айтганимдек, биз хоҳлаган ўйинчиларнинг ўз жамоалари билан келишувлари бор. Тимур Жўраев «Локомотив» билан бирга бўлса, Мурод Зуҳуров «Бунёдкор»да. Дарвозабон бўлса, сизлар топиб беринглар...
Улуғбек АБДУЛЛАЕВ
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Breaking! Бозоров, Алибоев, Рўзиев ва Холмуродов терма жамоадан чақирув олди
Фикрлар